साऊथचे पावर कपल रश्मिका मंदान्ना आणि विजय देवरकोंडा यांनी संगीत सोहळ्याचे सुंदर फोटो सोशल मीडियावर शेअर केले आहे. जे सध्या तुफान व्हायरल होतना दिसत आहे. रश्मिका आणि विजय 26 फेब्रुवारीला उदयपूरमध्ये लग्न बंधनात अडकले. त्यांचा लग्न सोहळा कुटुंब आणि जवळचा मित्र परिवार यांच्यात थाटामाटात साजरा झाला. रश्मिका मंदान्ना आणि विजय देवरकोंडा यांच्या संगीत सोहळ्यात त्यांचा रोमँटिक अंदाज पाहायला मिळत आहे. दोघांनी ही खास कॅप्शन देऊन संगीत सोहळ्याचे फोटो शेअर केले आहेत.

विजय देवरकोंडा पोस्ट

"२४.०२.२६

आमची संगीत नाइट.

त्या संध्याकाळी डोळ्यात पाणी येईपर्यंत हसलो, पाय दुखेपर्यंत नाचलो, सर्वांची भाषणे ऐकून भावनिक झालो...

सुंदर लोकांनी भरलेली एक मोठी आनंदी पार्टी..."

रश्मिका मंदाना पोस्ट

"प्रेम, आनंदाचे अश्रू, हास्य, संगीत, गाणे, चमक आणि आम्ही रात्रभर नाचत राहिलो...

ती खरोखरच आतापर्यंतची सर्वात मजेदार रात्र होती...

विज्जू आणि मला एकमेकांना सरप्राइज द्यायचे होते, कुटुंबाला आम्हा दोघांना सरप्राइज करायचे होते...

आमच्या कुटुंबांना इतके चांगले नाचताना पाहून उत्साहित आणि आश्चर्यचकित झालो..

२४.२.२६!

विजय आणि मी आमच्या कुटुंबियांच्या आणि मित्रांच्या प्रेमाने वेढलो आणि खूप नाचलो..."

संगीत सोहळ्याच्या फोटोंमध्ये रश्मिका मंदान्ना आणि विजय देवरकोंडा एकत्र नाचताना दिसत आहे. त्यांचे कुटुंब, मित्र परिवार एकत्र आनंद साजरा करत आहे. रश्मिका-विजयच्या डोळ्यात आनंद अश्रू दिसत आहे. विजय रश्मिकाला मिठी मारतो, उचलून घेतो. दोघे एकमेकांमध्ये गुंतलेले दिसत आहे. तसेच दोघांच्या संगीत सोहळ्यातील ड्रेसने सर्वांचे लक्ष वेधून घेतले आहे. रश्मिकाने चंदेरी रंगाची शिमरी लेहेंगा परिधान केला होता. तर विजयने निळ्या रंगाची शाही शेरवानी परिधान केली. दोघे एकत्र खूपच सुंदर, आनंदी दिसत आहेत.