Animal Teaser Released Burj Khalifa

अभिनेता रणबीर कपूर (Ranbir Kapoor) आणि रश्मिका मंदाना (Rashmika Mandanna)च्या ‘ॲनिमल’ (Animal) ची जोरदार चर्चा होत पाहायला मिळत आहे. येत्या १ डिसेंबरला चित्रपट थिएटरमध्ये रिलीज होणार असून गेल्या काही दिवसांपूर्वी चित्रपटाचा टीझरही रिलीज झाला होता. त्यानंतर चित्रपटातलं एक गाणंही रिलीज झाले. अशातच रणबीर-रश्मिकाच्या ‘ॲनिमल’ची झलक बुर्ज खलिफावर पाहायला मिळाली आहे. (Bollywood)

‘ॲनिमल’चा टीझर नुकताच दुबईच्या बुर्ज खलिफावर रिलीज झाला आहे. रणबीरच्या वाढदिवशीच हा टीझर रिलीज झाला होता. टीझर लाँचिंग इव्हेंटला, रणबीर कपूरसोबत बॉबी देओल आणि भूषण कुमारही दिसत आहेत. या गगनचुंबी इमारतीवर जेव्हा चित्रपटाचा टीझर रिलीज झाला तेव्हा रणबीर आणि बॉबीच्या चेहेऱ्यावरील उत्साहीपणा आणि आनंद स्पष्ट दिसत होता. रणबीर हा क्षण आपल्या मोबाईल कॅमेऱ्यात कैद करताना दिसतोय. बॉबी देओलने आपल्या इन्स्टा स्टोरीवर टीझर बुर्ज खलिफावर रिलीज होतानाचा व्हिडीओ शेअर केला आहे.

भूषण कुमार आणि कृष्ण कुमार यांच्या टी-सिरीजची निर्मिती असलेला ‘ॲनिमल’ची घोषणा झाल्यापासून जोरदार चर्चा होत आहे. संदीप रेड्डी वंगा दिग्दर्शित चित्रपट क्राईम ड्रामा प्रकारातील असून मुख्य भूमिकेत रणबीर कपूरसह रश्मिका मंदान्ना, अनिल कपूर आणि बॉबी देओल दिसणार आहेत. गेल्या काही दिवसांपूर्वी त्यांचे पोस्टरही सोशल मीडियावर रिलीज केले होते. चित्रपट १ डिसेंबर २०२३ ला थिएटरमध्ये रिलीज झाला आहे. (Entertainment News)