Ranbir Kapoor Will Take Legal Action On Paparazzi: सेलिब्रिटींच्या आयुष्याविषयी जाणून घेण्याची सर्वांनाच उत्सुकता असते. तर सेलिब्रिटी त्यांचे खासगी आयुष्यातील सगळंच जगासमोर येणार नाही याची काळजी घेतात. परंतु असे असले तरी लोक त्याच्या घरात डोकाविण्याचे विविध प्रयत्न करतातच.

बॉलिवूड अभिनेत्री आलिया भट्टच्या घरातील फोटो काढल्यामुळे तिने पापाराझींना खडे बोल सुनावले होते. आलिया तिच्या लिव्हिंग रूममध्ये होती तेव्हा बाजूच्या छतावरून दोन लोक तिचे शूटिंग करत होते. आलियाने तिच्या इंस्टाग्राम स्टोरीमध्ये या घडणेच उल्लेख केला होता.

आता रणबीर कपूर पत्नी आलियाच्या गोपनीयतेप्रकरणी कायदेशीर कारवाई करणार आहे. रणबीर कपूरने सांगितले की, ही घटना अत्यंत लाजिरवाणी आहे आणि सध्या या संपूर्ण प्रकरणात आम्ही कायदेशीर मार्गाचा अवलंब करत आहोत.

एका मुलाखती दरम्यान रणबीरने सांगितले की, 'ही घटना अत्यंत वाईट आहे. हे एखाद्याच्या खासगी जीवनातील गोपनीयतेचे उल्लंघन आहे. तुम्ही माझ्या घरात शूट करू शकत नाही. माझ्या घरात काहीही होऊ शकते. ते माझे घर आहे. हे पूर्णपणे चुकीचे आहे. आम्ही या संपूर्ण प्रकरणावर योग्य कायदेशीर मार्गाने कारवाई करत आहोत. मात्र, रणबीरने याबाबत जास्त बोलण्यास नकार दिला आणि जे काही घडले ते अतिशय वाईट असल्याचे सांगितले.

रणबीर म्हणाला, 'आम्ही पापाराझींचा आदर करतो. मला वाटते की पापाराझी हा आपल्या जगाचा एक भाग आहेत. ते आमच्यासाठी काम करतात आणि आम्ही त्यांच्यासाठी काम करतो' पण अशा गोष्टी करणे खूप लाजिरवाण्या आहेत.'