Riteish-Raja Shivaji Collection: मराठी चित्रपटसृष्टीत सध्या ‘राजा शिवाजी’ या ऐतिहासिक चित्रपटाची जोरदार चर्चा सुरू आहे. अभिनेता आणि दिग्दर्शक रितेश देशमुखच्या या महत्त्वाकांक्षी चित्रपटाने प्रदर्शनाच्या पहिल्या महिन्यातही बॉक्स ऑफिसवर आपले वर्चस्व कायम राखले आहे. विशेष म्हणजे, चित्रपट प्रदर्शित होऊन तब्बल २८ दिवस उलटूनही त्याच्या कमाईचा वेग मंदावलेला दिसत नाही. उलट प्रेक्षकांकडून मिळणारा उत्स्फूर्त प्रतिसाद पाहता ‘राजा शिवाजी’ची लोकप्रियता दिवसेंदिवस वाढवतच आहे.

ताज्या आकडेवारीनुसार, प्रदर्शनाच्या २८ व्या दिवशी म्हणजेच गुरुवारी ‘राजा शिवाजी’ने ४० लाखांहून अधिक कमाई केली आहे. चित्रपटाला प्रदर्शित होऊन चार आठवडे पूर्ण होऊनही चांगली कमाई होत आहे. विशेष म्हणजे, चौथ्या बुधवारच्या तुलनेत गुरुवारी चित्रपटाच्या कमाईत किंचित वाढ झाल्याचे दिसून आले.

‘राजा शिवाजी’ने आता देशभरात १०० कोटी रुपयांपेक्षा अधिक नेट कमाई केली आहे. या कामाईमुळे हा चित्रपट मराठी चित्रपटसृष्टीच्या इतिहासातील सर्वाधिक कमाई करणाऱ्या चित्रपटांच्या यादीत दुसऱ्या स्थानावर पोहोचला आहे. याआधी हा मान ‘सैराट’ या चित्रपटाकडे होता. आता ‘सैराट’नंतर सर्वाधिक कमाई करणारा मराठी चित्रपट म्हणून ‘राजा शिवाजी’ची नोंद झाली आहे.

या चित्रपटाच्या यशामागे त्याची भव्य निर्मिती, दमदार कथा आणि तगडी स्टारकास्ट हे महत्त्वाचे घटक मानले जात आहेत. रितेश देशमुखसोबत संजय दत्त, जेनेलिया डिसूझा, भाग्यश्री, फरदीन खान, अभिषेक बच्चन आणि सलमान खान यांसारखे दिग्गज कलाकार या चित्रपटात झळकले आहेत.