साऊथ अभिनेता अल्लू अर्जुनचा (Allu Arjun ) चित्रपट 'पुष्पा 2: द रुल' (Pushpa 2 ) हा सध्या सर्वत्र चांगलाच गाजत आहे. या चित्रपटाने छप्परफाड कमाई केली आहे. हा चित्रपट आता लवकरच 600 कोटींचा टप्पा पार करणार आहे. 'पुष्पा 2: द रुल' हा चित्रपट 5 डिसेंबरला प्रेक्षकांच्या भेटीला आला.

'पुष्पा 2' ऑफिस कलेक्शन दिवस 5

'पुष्पा 2' चित्रपट सुकुमार दिग्दर्शित आहे. पुष्पाची क्रेझ वाढतच जात आहे. मीडिया रिपोर्टनुसार, 'पुष्पा 2' ने पहिल्या दिवशी 164.25 कोटी रुपये कमावले. दुसऱ्या दिवशी 93.8 कोटी आणि तिसऱ्या दिवशी 119.25 कोटींची कमाई केली आहे. या चित्रपटाने रविवारी 141.5 कोटींची बंपर कमाई केली आहे. तसेच पेड प्रिव्ह्यूजमध्ये 10.65 कोटी रुपये कमावले. काल सोमवारी चित्रपटाच्या पाचव्या दिवशी (Pushpa 2 Box Office Collection Day 5) 'पुष्पा 2'ने 65.1 कोटी रुपये कमावले आहेत. 'पुष्पा 2: द रुल'ची पाच दिवसांची एकूण कमाई आता 594.1 कोटींवर पोहोचली आहे.

'पुष्पा 2' चित्रपटाने तेलगूमध्ये 211.7 कोटी रुपये, हिंदीमध्ये 332.7 कोटी रुपये, तामिळमध्ये 34.45 कोटी रुपये, कन्नडमध्ये 4.05 कोटी रुपये आणि मल्याळममध्ये 11.2 कोटी रुपये कमावले आहेत.

'पुष्पा 2' बॉलिवूडमधील अनेक मोठ्या चित्रपटांना मागे टाकले आहे. यात रणबीर कपूरच्या ॲनिमलचा देखील समावेश आहे. तसेच शाहरुख खानच्या 'पठाण' चित्रपटाचा देखील समावेश आहे. 2021 मध्ये 'पुष्पा द राइज' हा चित्रपट प्रेक्षकांच्या भेटीला आला. या चित्रपटाने देखील बॉक्स ऑफिसवर बंपर कमाई केली होती.

'पुष्पा 2: द रुल' हा चित्रपट तेलुगू, तमिळ, हिंदी, मल्याळम आणि कन्नड या पाच भाषांमध्ये रिलीज झाला आहे. चित्रपटातील साऊथ अभिनेता अल्लू अर्जुन आणि अभिनेत्री रश्मिका मंदानाची (Rashmika Mandanna ) केमिस्ट्री चाहत्यांना खूप आवडली आहे.'पुष्पा 2' मध्ये जबरदस्त ॲक्शन दाखवली आहे.