Priyanka Chopra: बॉलिवूड अभिनेत्री परिणीती चोप्रा आणि राजकारणी राघव चढ्ढा यांना मुलगा झाला आहे. रविवारी संध्याकाळी या कपलने एक पोस्ट शेअर केली. या बातमीमुळे दोन्ही कुटुंबांमध्ये आनंद पसरला आहे. बाळाची मावशी प्रियांका चोप्रा देखील या सेलिब्रेशनमध्ये सामील झाली, तिने तिच्या स्वतःच्या अकाउंटवर एक पोस्ट शेअर करत नवीन बाळाच्या आगमनाबद्दल कुटुंबाला शुभेच्छा दिल्या. अभिनेत्रीने तिच्या काकू आणि काकांना टॅग करून त्यांना आजी-आजोबा झाल्याबद्दल अभिनंदन केले.

प्रियांकाने शुभेच्छा दिल्या

मावशी प्रियांका चोप्राने तिच्या इंस्टाग्राम स्टोरीवर परिणीती आणि राघवची पोस्ट शेअर करत, "अभिनंदन." असे लिहीले. प्रियांकाने तिच्या काकू आणि काका, रीना आणि पवन चोप्रा यांनाही टॅग केले आणि संपूर्ण कुटुंबाला प्रेम पाठवले.

परिणीती आणि राघव यांनी इंस्टाग्रामवर त्यांच्या मुलाच्या आगमनाची घोषणा करणारी एक गोड पोस्ट शेअर केली. पोस्टमध्ये त्यांनी लिहिले, "तो अखेर आला आहे! आमचा गोड मुलगा. आधी आम्ही एकमेकांना होतो, आता आमच्याकडे सर्वकाही आहे." सेलिब्रिटी आणि चाहत्यांनी पोस्टवर अभिनंदनाचा वर्षाव करत आहेत.

लग्न

परिणीती आणि राघव यांनी मे २०२३ मध्ये दिल्लीतील कपूरथला हाऊसमध्ये साखरपूडा केले आणि सप्टेंबरमध्ये उदयपूरमधील द लीला पॅलेसमध्ये लग्न केले. काही काळापूर्वी राघवने द ग्रेट इंडियन कपिल शोमध्ये विनोद करत लवकरच आनंदाची बातमी जाहीर करतील. आणि आता, ती आनंदाची बातमी खरोखरच आली आहे. लग्नाच्या एका वर्षानंतर, या जोडप्याला मुलगा झाला. लहान पाहुण्याच्या आगमनाने दोन्ही कुटुंबे आनंदी आहेत.