Prajakta Mali MahaKumbhMela Video : सध्या प्रयागराजमध्ये महाकुंभमेळा सुरु आहे. या पवित्र संगमावर जाऊन स्नान करण्यासाठी फक्त देशातूनच नाही, तर परदेशातूनही लोक येत आहेत. राजकीय नेत्यांनीही कुंभमेळ्यात सहभाग घेतला आहे. हेमा मालिनी, अनुपम खेर, मिलिंद सोमण यांसारख्या अनेक बॉलिवूडच्या सेलिब्रिटींनीही संगमस्थानाला भेट दिली आहे. अभिनेत्री प्राजक्ता माळीने देखील महाकुंभमेळ्यात पोहोचली आहे.

प्राजक्ता माळीने सोशल मीडियावर अ‍ॅक्टिव्ह आहे. प्राजक्ताने तिचा व्हिडीओ पोस्ट केला आहे. या व्हिडीओवरुन ती प्रयागराजला महाकुंभमेळ्यासाठी गेल्याचे दिसते. प्राजक्ता विमानाने प्रयागराजला पोहोचली. तिने श्री निरंजनी पंचायची आखाडाला भेट दिली. कुटुंबियांसह तिने त्रिवेणी संगमावर पवित्र स्नान केल्या. याला तिने 'Once in Lifetime Experience' असे म्हटले आहे.

या व्हिडीओला प्राजक्ता माळीने 'लहानपणापासूनच कुंभ मेळ्याविषयी मनात कुतूहल होतं. १४४ वर्षांनी होणारा हा मेळा याची देही याची डोळी पहावा, अनुभवावा असं मनात आलं आणि पोचले' असे कॅप्शन दिले आहे. मी कालच महाराष्ट्रात पुन्हा परतल्याचेही चाहत्यांना सांगितले. प्राजक्ताने शेअर केलेला व्हिडीओ सोशल मीडियावर व्हायरल होत आहे.

प्राजक्ता माळी मराठी चित्रपटसृष्टीतील आघाडीची अभिनेत्री आहे. अभिनयासह ती सूत्रसंचालनदेखील करते. याशिवाय तिने निर्माती म्हणूनही काम केले आहे. ती प्रयागराजला महाकुंभमेळ्यात स्नान करण्यासाठी गेली होती. याआधीही प्राजक्ताने देव दर्शनासाठी विविध मंदिरांना, आधात्मिक स्थळांना भेटी दिल्या आहेत.