Pathaan Movie: बॉलिवूड अभिनेता शाहरुख खानचा 'पठाण' चित्रपट चांगलाच वादात सापडला आहे. काही दिवसांपूर्वी पठाण चित्रपटातील बेशरम गाणे प्रदर्शित झाले होते. या गाण्यामधील दिपिकाच्या बिकीनीवरुन हा वाद सुरू झाला होता. हा वाद सुरू असतानाच चित्रपटातील अलिकडेच प्रदर्शित झालेले दुसरे गाणे चोरी केल्याचा आरोप होत आहे.

त्यामुळे 'बेशरम' गाण्याच्या वादानंतर शाहरुख खानचे 'झुमे जो पठाण' गाणेही वादात सापडले असून त्यावर जोरदार टीका होत आहे.

अभिनेता शाहरुख खान (Shahrukh Khan) आणि दीपिका पदुकोणचा पठाण चित्रपट सध्या चांगलाच चर्चेत आहे. चित्रपटातील बेशरम गाण्यावर हिंदूत्ववादी संघटनांनी आक्षेप घेतला होता. या गाण्याचे बोल आणि दीपिकाच्या बिकीनीमुळे भगव्या रंगाचा अपमान झाल्याचा आरोप हिंदू महासभेने घेतला होता. हा वाद सुरू असतानाच चित्रपटातील झुमे जो पठाण गाणे चोरीचे असल्याचा आरोप होत आहे.

नुकतेच 'पठाण' चित्रपटातील 'झुमे जो पठाण' हे गाणे प्रदर्शित झाले होते. गाण्यात शाहरुख खान आणि दीपिकाची जोरदार केमिस्ट्री पाहायला मिळत आहे. गाण्याला प्रेक्षकांचा जोरदार प्रतिसाद मिळत असतानाच हे गाणे चोरीचे असल्याचा आरोप होत आहे.

एका दिवसापूर्वी प्रदर्शित झालेले हे गाणे आत्तापर्यंत ९ मिलीयन लोकांनी पाहिले आहे. मात्र सोशल मीडिया कंपोजर विशाल आणि शेखरने या गाण्यावर धून चोरल्याचा आरोप केला आहे. त्यांनी झुमे जो पठाण या गाण्याची धून अर्जुन द वॉरिअर्स प्रिंस या चित्रपटातील कर्म का तलवार या गाण्यातून चोरल्याचे म्हणले आहे. त्यामुळे बेशरम रंग नंतर शाहरुखचे हे गाणेही वादात सापडण्याची शक्यता निर्माण झाली आहे. (Bollywood)