Nikki Tamboli Hospitalize: 'बिग बॉस' फेम अभिनेत्री निक्की तंबोळीची प्रकृती सध्या गंभीर असून तिला रुग्णालयात दाखल करण्यात आले आहे. प्रॉन्स म्हणजेच कोळंबी खल्ल्यामुळे तिला अ‍ॅलर्जी झाली याला परिणाम तिच्या फुफ्फुसांवर झाल्यामुळे तिला तातडीने रुग्णालयात नेण्यात आले. डॉक्टरांनी सांगितले की, निक्कीला श्वसनास त्रास जाणवत होता आणि तिच्या फुफ्फुसांना त्रास झाल्याचे निदान झाले आहे. सध्या तिला आयसीयूमध्ये ठेवण्यात आले असून उपचार सुरू आहेत.

निक्की तंबोळीने सोशल मीडियावरून स्वतःच्या प्रकृतीविषयी माहिती दिली. तिने तिच्या इंस्टाग्राम स्टोरीमध्ये तिचे रुग्णालयातील फोटो शेअर करत लिहिले की, “प्रॉन्स खाल्ल्यानंतर मला अ‍ॅलर्जी झाली आणि श्वास घेणं अवघड झालं. सध्या ICU मध्ये आहे. कृपया माझ्यासाठी प्रार्थना करा.” चाहत्यांनी तिच्या या पोस्टनंतर तिला लवकर बरे वाटू दे असे लिहिले आहे.

निक्कीला प्रॉन्स अ‍ॅलर्जीचा फार जास्त त्रास झाला आहे.अनेकदा समुद्री पदार्थांमधून अ‍ॅलर्जिक होऊ शकते, आणि अशा अ‍ॅलर्जीमुळे श्वसनावर परिणाम होतो. निक्कीच्या बाबतीतही असाच प्रकार घडल्याने डॉक्टरांनी तिला तात्काळ आयसीयू मध्ये हलवले. तिच्या उपचारांसाठी फुफ्फुसांच्या तज्ञांचा एक विशेष वैद्यकीय पथक तयार करण्यात आले आहे.

निक्की तंबोळी ही 'बिग बॉस 14', 'खतरों के खिलाडी', तसेच काही दक्षिण भारतीय चित्रपटांमधील भूमिकांसाठी ओळखली जाते. तिच्या चाहत्यांना तिच्या प्रकृतीची चिंता वाटत असून सोशल मीडियावर #GetWellSoonNikki हा हॅशटॅग ट्रेंड होऊ लागला आहे. डॉक्टरांच्या माहितीनुसार, तिची प्रकृती आता स्थिर असून तिला लवकरच सामान्य वॉर्डमध्ये हलवली जाईल, अशी अपेक्षा व्यक्त करण्यात येत आहे.