मराठीसह हिंदी सिनेसृष्टी गाजवणारी अभिनेत्री नेहा पेंडसे सध्या तिच्या कान्स लूकने चाहत्यांचे लक्ष वेधून घेतले आहे. कान्स लूकमुळे ती सध्या चर्चेत आहे. 'मे आय कम इन मॅडम?' या मालिकेमुळे नेहाला प्रसिद्धी मिळाली होती. सध्याच्या आघाडीच्या अभिनेत्रींमध्ये तिचा समावेश केला जातो. पण जेव्हा नेहाने सिनेसृष्टीत काम करायला सुरुवात केली, तेव्हा तिला स्ट्रगल करावा लागला होता. मुलाखतीत, तिने कास्टिंग काऊच अनुभवावर भाष्य केले.

नेहा पेंडसेने मनोरंजन सृष्टीतील कास्टिंग काऊचबाबत धक्कादायक खुलासा केला. बॉलिवूड लाईफने दिलेल्या माहितीनुसार, एका अभिनेत्याने तिला त्रास दिला होता. माझ्यासोबत एक रात्र घालव असे अभिनेत्याने तिला म्हटले होते. याला नेहाने स्पष्ट नकार दिला होता. या घटनेनंतर तिला खूप त्रास झाला होता, तिला वाईट वाटले होते. एका वाईट अनुभवाने खचून न जाता तिने याच क्षेत्रात काम करत राहण्याचा निर्णय घेतला.

मी माझ्या कुटुंबातील पहिली मुलगी आहे, जी मनोरंजन सृष्टीमध्ये कार्यरत आहे. या क्षेत्रात काम करण्याचा निर्णय घेतल्यामुळे मला सुरुवातीला नातेवाईकांनी खूप टोमणे मारले होते. पण जेव्हा तिला प्रसिद्धी मिळाली, तेव्हा तेच नातेवाईक माझ्याबद्दल सर्वांना सांगत होते, असे देखील नेहाने कार्यक्रमाच्या प्रमोशनदरम्यान म्हटले होते.

कॅप्टन हाऊस या टीव्ही शोच्या माध्यमातून नेहा पेंडसेने कारकिर्दीची सुरुवात केली. पडोसन आणि हसरते या मालिकांमुळे तिला प्रसिद्धी मिळाली. मे आय कम इन ही तिची मालिका खूप गाजली. तिने मराठीसह हिंदी चित्रपटांमध्ये काम केले आहे. दाग: द फायर या हिंदी चित्रपटात ती झळकली आहे. त्यानंतर तिने तेलुगू आणि तामिळ चित्रपटांत देखील काम केले आहे.