Neha Kakkar : मेलबर्नमधील कॉन्सर्टदरम्यान नेहा कक्कर रडतानाचा एक व्हिडिओ व्हायरल होत आहे. तीन तास कॉन्सर्टमध्ये उशिरा पोहोचलेल्या या गायिकेने गर्दीची मनापासून माफी मागितली पण हा प्रकार आवडला नाही. आता व्हायरल होत असलेल्या क्लिपमध्ये नेहा तिच्या चाहत्यांची माफी मागताना दिसत आहे. पण लोक एकही गोष्ट ऐकायला तयार नव्हते. त्यामुळे सोशल मीडियावर नेहाला मोठ्या प्रमाणात ट्रॉल करण्यात येत आहे.

अश्रू थांबवत नेहा म्हणाली, “मित्रांनो, तुम्ही खरोखरच उत्तम प्रेक्षक आहात! तुम्ही धीर धरला आहे. तुम्ही लोक खूप दिवसांपासून वाट पाहत आहात. मला उशीर करणे आवडत नाही, मी माझ्या आयुष्यात कधीही कोणालाही वाट पाहायला लावली नाही. तुम्ही इतका वेळ वाट पाहत आहात याबद्दल मला खूप वाईट वाटते! हे माझ्यासाठी खूप अर्थपूर्ण आहे. ही संध्याकाळ मला नेहमीच आठवेल. आज तुम्ही सर्वांनी माझ्यासाठी खूप वेळ काढला आहे. हा कॉन्सर्ट तुमच्यासाठी खास करण्याचा मी नक्की प्रयत्न करेन.

लोक नेहा कक्करवर रागावले

प्रेक्षकांमधील काहींनी टाळ्या वाजवून तिचे सांत्वन केले तर बहुतेक जण निराशच राहिले. व्हिडिओमध्ये गर्दीतून संतप्त आवाज ऐकू येत होते, काही लोक "परत जा!" असे ओरडत होते. तिला, तुझ्या हॉटेलमध्ये आराम करा असे म्हणत होते. एक माणूस म्हणाला, हे भारत नाहीये, तू ऑस्ट्रेलियात आहेस. दुसरा म्हणाला- आम्ही तीन तासांपासून वाट पाहत आहोत. तिसरा आवाज त्याची थट्टा करताना ऐकू आला, 'छान अभिनय, हा इंडियन आयडल नाहीये, नाटक करू नको'

सिडनीमध्ये शो केला

मेलबर्न कॉन्सर्टपूर्वी, नेहाने सिडनीमध्ये परफॉर्म केले होते आणि तिच्या इंस्टाग्रामवर कार्यक्रमाची झलकही तिने शेअर केली होती. त्याचसोबत तिने कॅप्शनमध्ये लिहिले, "धन्यवाद #सिडनी आज रात्री #मेलबर्न #नेहाकक्कर्क लाईव्ह,".