Mukesh Ambani: मुकेश अंबानी श्रीमंतांच्या यादीतून बाहेर पडले आहेत. अंबानींच्या एकूण संपत्तीत १ लाख कोटी रुपयांपेक्षा जास्त घट झाली. दुसरीकडे, रोशनी नाडर ही श्रीमंतांच्या यादीत समाविष्ट होणारी पहिली भारतीय महिला ठरली आहे. तर आता पहिला जगातील सर्वात श्रीमंत व्यक्ती एलन मस्क ठरला आहे.

गेल्या एका वर्षात मुकेश अंबानी यांना १ लाख कोटी रुपयांचा मोठा फटका बसला आहे. त्यामुळे ते श्रीमंतांच्या यादीतून बाहेर पडले आहेत. दरम्यान, अंबानी अजूनही आशियातील सर्वात श्रीमंत व्यक्ती आहेत.

मुकेश अंबानी यांच्या एकूण संपत्तीत घट होत आहे. अहवालांनुसार, रिलायन्स इंडस्ट्रीज त्यांच्या एनर्जी आणि किरकोळ व्यवसायात अनेक अडचणी येत आहे. खरं तर, विक्रीतील मंद वाढ आणि कर्जाबद्दल गुंतवणूकदारांच्या चिंतेमुळे समूहाच्या समस्या वाढल्या आहेत. सध्या अंबानी कुटुंबाकडे ८.६ लाख कोटी रुपयांची मालमत्ता आहे. गेल्या वर्षीच्या तुलनेत त्यांची संपत्ती सुमारे १३ टक्क्यांनी म्हणजेच १ लाख कोटी रुपयांनी घट झाली आहे.

मुकेश अंबानी यांची एकूण संपत्ती

अंबानी कुटुंबाकडे ८.६ लाख कोटी रुपयांची मालमत्ता आहे. मुकेश अंबानी यांच्याकडे डॉल्फिन आणि सिकोर्स्की एस ७६ हेलिकॉप्टर ही दोन हेलिकॉप्टर आहेत. याशिवाय मुकेश अंबानी यांच्या घरात अँटिलियामध्ये तीन हेलिपॅड आहेत. या हेलिपॅडवरून मुंबई शहर आणि अरबी समुद्र स्पष्टपणे दिसतो. मुकेश अंबानींकडे अनेक खाजगी जेट विमाने देखील आहेत. मुकेश अंबानी यांच्याकडे एक एअरबस A319 ACJ, एक एअरबस AS365, एक बोईंग 737 MAX 9 BBJ, तीन बॉम्बार्डियर ग्लोबल फॅमिली, दोन डसॉल्ट फाल्कन 900, एक एम्ब्रेर ERJ-135 ही विमाने आहेत. मुकेश अंबानी यांच्याकडे १० रोल्स रॉयस कार देखील आहेत. अँटिलिया हे मुकेश अंबानी यांचे घर आहे आणि त्याची अंदाजे किंमत १५,००० कोटी रुपये आहे.

रोशनी नाडरची एकूण संपत्ती

रोशनी नाडर ही जगातील टॉप १० श्रीमंत महिलांच्या यादीत समाविष्ट झालेली पहिली भारतीय महिला आहे. रोशनी नाडर मल्होत्राची एकूण संपत्ती ३.५ लाख कोटी रुपये आहे. रोशनी नाडरचे वडील शिव नाडर यांनी तिला एचसीएलमध्ये ४७% हिस्सा दिला आहे, त्यामुळे ती कंपनीतील सर्वात मोठी भागधारक बनली आहे. रोशनी नाडर ही एचसीएल टेक्नॉलॉजीजची अध्यक्षा आहे.