Zanai Bhosle - Siraj : भारतीय क्रिकेटपटू मोहम्मद सिराजच्या एका फोटोने सोशल मिडीयावर धुमाकूळ घातला आहे. पण, सिराजचा हा फोटो क्रिकेटशी संबंधित नाही. प्रसिद्ध गायिका आशा भोसले यांची नात आणि अभिनेत्री-गायिका जनाई भोसलेचा मोहम्मद सिराजसोबतचा एक फोटो व्हायरल होत आहे. जानाईचा २३ वा वाढदिवस मुंबईतील वांद्रे येथे साजरा झाला आणि त्या सेलिब्रेशनचे फोटो जनाईने शेअर केले. यानंतर, सिराज आणि जनाईच्या डेटिंगच्या अफवांनाही वेग आला. दोघांच्याही चाहत्यांना असे वाटते की त्यांच्यात मैत्रीपेक्षाही अधिक काहीतरी आहे.

जनाई भोसलेने तिच्या वाढदिवसाच्या सेलिब्रेशनचे काही फोटो शेअर केले. यापैकी एका फोटोमध्ये, जनाई आणि सिराज एकमेकांकडे प्रेमाने हसताना दिसत आहेत. या फोटोंमध्ये जनाईची आजी आशा भोसले, अभिनेता जॅकी श्रॉफ आणि क्रिकेटपटू सिद्धेश लाड, श्रेयस अय्यर देखील आहेत. पण, चाहते सिराज आणि जनाईच्या चित्रात अधिक रस दाखवत आहेत.

चाहत्यांनी गमतीने जनाईला 'वहिनी' म्हटले. एका नेटकऱ्याने गंमतीने विचारले, "तू सिराज भाईजानशी लग्न करणार आहेस का?" तर दुसऱ्याने विनोद केला, "डीएसपी साहेब खूप कडक माणूस आहेत, पण ते इथेच वितळले." या अटकळीत भर घालत एका नेटकऱ्याने लिहिले, "भाभीने गुजरात टायटन्सला फॉलो केले कारण यावेळी डीएसपी गुजरातमध्ये आहे."

सिराज-जनाई यांच्या डेटिंगच्या चर्चा सध्या रंगल्या आहेत. त्याच वेळी, जनाईने एका नवीन संगीत प्रकल्पाची घोषणा केली आहे जी तिच्या चाहत्यांसाठी एक भेट असणार आहे. दरम्यान, मोहम्मद सिराज गुजरात टायटन्ससोबत एका रोमांचक हंगामासाठी सज्ज आहे. तो सध्या भारताच्या टी-२० आणि एकदिवसीय संघाबाहेर आहे. पण, देशांतर्गत क्रिकेट खेळताना दिसतो.