Jau Bai Gaavat Winner

झी मराठीवरील 'जाऊ बाई गावात' या कार्यक्रमाची सध्या जोरदार चर्चा होत आहे. गेल्या अनेक दिवसांपासून महाराष्ट्रातील कानाकोपऱ्यांमधून आलेल्या ह्या मुलींनी साताऱ्यातील बावधन गावात चांगलाच धिंगुडशा घातला. ४ डिसेंबर पासून सुरू झालेला हा प्रवास अखेर काल संपला.

काल अर्थात ११ फेब्रुवारीला 'जाऊ बाई गावात' या शो चा महाअंतिम सोहळा पार पडला. या शोची प्रेक्षकांना विजेताही मिळाली. 'जाऊ बाई गावात'च्या पहिल्या सीझनची रमशा फारुकी ही विजेती ठरली आहे, तर अंकिता मेस्त्री ही स्पर्धक पहिली रनर अप ठरली आहे. (Tv Serial)

यावेळी सोहळ्याला मराठी सिनेसृष्टीतील अनेक दिग्गज सेलिब्रिटी उपस्थित होते. यावेळी आदेश बांदेकर, महेश मांजरेकर, सोनाली कुलकर्णी, कुशल बद्रिकेसोबत झी मराठीवरील नवी मालिका शिवा आणि पारू मालिकेतल्या कलाकारांनीही यावेळी शोमध्ये हजेरी लावली होती.

साताऱ्यातील बावधन गावात 'जाऊ बाई गावात' या शोची शूटिंग पार पडली होती. 'जाऊ बाई गावात' च्या पहिल्या सीझनची विजेती रमशा फारुकी ठरली आहे. यावेळी रमशाला बक्षीस स्वरूपात २० लाख रुपयांचा धनादेश आणि विजेतेपदाची ट्रॉफी देण्यात आली. (Serial)

रमशा फारुकी, रसिक ढोबळे, संस्कृती साळुंके, अंकिता मेस्त्री आणि श्रेजा म्हात्रे या टॉप ५ स्पर्धकांमध्ये ग्रँड फिनाले रंगला. ग्रँड फिनालेमध्ये, अंकिता आणि रमशा या दोघींमध्ये महाअंतिम फेरीत चुरशीची लढत रंगली होती. 'तुझ्यात जीव रंगला' फेम 'राणादा' अर्थात अभिनेता हार्दिक जोशीने या शोचं सूत्रसंचालन केलं होतं. (Actress)

विजेती ठरल्यानंतर रमशा फारूकीने प्रतिक्रिया दिली की, "ज्यावेळी माझं नावं विजेती म्हणून जाहीर झालं तेव्हा मला वाटत होतं की मी स्वप्नच पाहतेय. जेव्हा मी विजेती झाली आणि सर्व गावकरी जेव्हा मला मिठी मारायला आले, त्यावेळी मला वाटलं की मी खरंच विजेती झाली. मला या शोने खूप काही शिकायला दिलं. गावकऱ्यांचे आणि प्रेक्षकांचे मी मनापासून आभार मानते. त्यांनी मला आपलं माणून खूप प्रेम दिलं. मी कायमच बावधन या गावकऱ्यांना मिस करेल." (Entertainment News)