Meera Joshi Car Accident: मराठी सिनेसृष्टीतून एक चिंतेची बातमी समोर येत आहे, एका मराठी टेलिव्हिजन अभिनेत्रीच्या कारचा भीषण अपघात झाला आहे. अभिनेत्री मीरा जोशीने सोशल मीडियावर तिच्या कारचा अपघात झाल्याची माहिती दिली आहे.

मालिका आणि चित्रपटांतून मीरा जोशी अनेकदा प्रेक्षकांच्या भेटीला आली आहे. पण मीरा जोशीबद्दल एक चिंतेची बातमी समोर आली आहे. मीराचा मुंबई पुणे एक्सप्रेस वेवर अपघात झाला असून तिने स्वत:च ही माहिती सोशल मीडियाच्या माध्यमातून दिली आहे.

हा अपघात नेमका कधी झालाय, याची माहिती मिळालेली नाही. गाडीला जबरदस्त फटका बसला असला तरी, तिला फार काही लागलेलं नाही. परंतु तिच्या गाडीचे मोठ्या प्रमाणात नुकसान झालेलं दिसत आहे. गाडी दुभाजकावर धडकल्याने गाडीचे मोठ्या प्रमाणात नुकसान झालं. अभिनेत्रीने ॲक्सिडेंट झाल्याची माहिती सोशल मीडियाच्या माध्यमातून दिली होती.

मीरा जोशीबद्दल बोलायचे तर, ती नेहमीच सोशल मीडियावर सक्रिय असते. सोशल मीडियाच्या माध्यमातून मीरा नेहमीच आपल्या खास अंदाजातील फोटो अनेक डान्सचे व्हिडीओ आणि फोटो शेअर करत असते. मीराने आतापर्यंत अनेक मालिकेंमध्ये आणि चित्रपटांमध्ये काम केले आहे. (Entertainment News)