'पिंगा गं पोरी पिंगा' (Pinga Ga Pori Pinga) ही मालिका प्रेक्षकांचे भरपूर मनोरंजन करत आहे. या मालिकेने खूप कमी वेळात मोठे यश मिळवले आहे. 'पिंगा गं पोरी पिंगा' मालिकेत वल्लरीसमोर समीरचे खरे रूप येताच वल्लरीने प्रेरणाला मोलाचा सल्ला दिला होता. इतकेच नसून वल्लरीने प्रेरणाला तिच्यावर होणाऱ्या अन्यायाविरुद्ध आवाज उठवण्यास प्रवृत्त देखील केले. पण आपल्या आई - वडिलांचा विचार करता प्रेरणा कुठल्याही ठाम निर्णयापर्यंत पोहचू शकली नाही.

मालिकेत पिंगा गर्ल्सने मिळून प्रेरणासाठी खास केळवण आयोजित केले. पण, खरा प्रश्न असा आहे की, प्रेरणा समीरला सांगू शकेल का? तिच्यावर होणाऱ्या अन्यायविरोधात ती उभी राहील का? हे पाहणे मनोरंजक ठरणार आहे. महारविवारच्या भागात प्रेरणाचे वडील समीरला जाब विचारताना दिसणार आहे. त्यावर पुन्हा एकदा समीरच्या स्वभावानुसार तो सगळ्यांच्या समोर प्रेरणावर हात उगारताना दिसणार आहे. तेव्हा मात्र वल्लरीचा राग अनावर होता आणि ती समीरला थांबवते आणि असं केल्यास परिणाम वाईट होतील असं देखील दटावते.

महारविवरच्या भागात प्रेरणा समीरशी लग्न करणार का? हे पाहायला चाहते आतुर आहेत. 'पिंगा गं पोरी पिंगा' मालिकेचा महारविवारचा विशेष भाग 16 मार्च रोजी दुपारी 1 आणि संध्याकाळी 7 वाजता कलर्स मराठीवर पाहता येणार आहे. समीरचा रागीट स्वभाव, प्रेरणाला तो देत असलेली वागणूक हे चुकीचे आहे आणि याची जाणीव वल्लरीने प्रेरणाला करून दिली. महारविवारच्या भागात सगळ्यांसमोर समीरचे खरे रूप आल्यावर मालिकेत नवा ट्विस्ट पाहायला मिळणार आहे.