Hruta Durgule And Prathamesh Parab:

मराठी सिनेसृष्टीची (Marathi Film Industry) प्रसिद्ध अभिनेत्री हृता दुर्गळे (Hruta Durgule) आणि सर्वांचा लाडका दगडू अर्थात प्रथमेश परब लवकरच नव्या चित्रपटाच्या माध्यमातून प्रेक्षकांच्या भेटीला येणार आहे. हृता आणि प्रथमेशच्या 'डिलिव्हरी बॉय'ची सध्या सगळीकडे चांगलीच चर्चा होत आहे. काही दिवसांपूर्वी या चित्रपटाचे भन्नाट पोस्टर रिलीज करण्यात आले होते. आता या चित्रपटाचा टीझर (Delivery Boy Teaser) प्रेक्षकांच्या भेटीला आला आहे. हा धमाकेदार टीझर प्रेक्षकांना प्रचंड आवडत आहे.

'डिलिव्हरी बॉय' या चित्रपटाच्या टीझरमध्ये प्रथमेश परब आणि पृथ्वीक प्रताप गावातील काही महिलांना 'सरोगसी'साठी तयार करण्याचा प्रयत्न करत असल्याचे दिसत आहे. यातून होणारा कल्लोळ आपल्याला या चित्रपटात दिसणार आहे. आता हे दोघे गावातील महिलांना सरोगसीसाठी का तयार करत आहेत? याचे उत्तर प्रेक्षकांना लवकरच मिळणार आहे. या चित्रपटात प्रथमेश आणि पृथ्वीक बरोबर अंकिता लांडेही प्रमुख भूमिकेत दिसत आहे. 'डिलिव्हरी बॉय'मधून प्रथमेश परब एका वेगळ्याच लूकमध्ये प्रेक्षकांसमोर येणार आहे. या चित्रपटातील त्याचा नवा अंदाज चाहत्यांना नक्कीच आवडत आहे.

हा चित्रपट सरोगसीवर भाष्य करणारा असल्याचे आपल्याला टीझरवरून कळालेच असेल. आता प्रथमेश परब आणि त्याचा जोडीदार गावातील महिलांना सरोगसीसाठी तयार करतो की आणखी अडचणी मागे लावून घेतो, हे आपल्याला चित्रपट रिलीज झाल्यानंतरच कळेल. पण टीझरवरून हा चित्रपट बघताना प्रेक्षकांना धमाल येणार हे दिसून येत आहे.

सिनेपोलिस आणि दीपा नायक प्रस्तुत, लुसिया एंटरटेनमेंट प्रोडक्शन्स निर्मित 'डिलिव्हरी बॉय' या चित्रपटाचे डेव्हिड नादर निर्माते आहेत. तर फेलिक्स नादर, विकास श्रीवास्तव, विकास सिंग, राझ धाकड आणि ऋषिकेश पांडे सहनिर्माते आहेत. मोहसीन खान यांनी या चित्रपटाचे दिग्दर्शन केले आहे. या चित्रपटाचे लेखन राम खाटमोडे आणि विनोद वणवे यांनी केले आहे. प्रथमेश आणि हृता यांचा हा चित्रपट येत्या ९ फेब्रुवारी रोजी प्रदर्शित होणार आहे. या चित्रपटाचा नुकताच रिलीज झालेला टीझर पाहून प्रेक्षक चित्रपट रिलीज होण्याची वाट पाहत आहेत.