सध्या सोशल मीडियावर आपल्याला अनेक कलाकार सक्रिय असताना पाहायला मिळतात. याबरोबर आपण सुद्धा त्यांचे अनेक व्हिडिओ, फोटो उत्सुकतेने पाहत असतो. सध्या मराठी सिनेमासृष्टीतली एक अभिनेत्री म्हणजे ऐश्वर्या नारकर होय. सोशल मीडियावर ऐश्वर्या नारकर खूप चर्चेत असतात. याबरोबर ऐश्वर्या नारकर मराठी इंडस्ट्रीमध्ये एक लोकप्रिय अभिनेत्री आहे. सोशल मीडियावर त्यांचे अनेक व्हिडिओ मोठ्या संख्येने व्हायरल होत असतात.
ऐश्वर्या नारकर यांनी अनेक चित्रपट आणि मालिकांमध्ये काम केले आहे. त्या नेहमीच त्यांच्या दमदार अभिनयाने प्रेक्षकांची मने जिंकून घेत असतात. सध्या त्या 'सातव्या मुलीची सातवी मुलगी' मालिकेमधून प्रेक्षकांच्या भेटीस आल्या होत्या. ऐश्वर्या नारकर सोशल मीडियावर देखील खूप अॅक्टिव असल्याने त्यांच्या डान्सचे व्हिडिओ शेअर होत असतात. कधीकधी त्या चाहत्यांसाठी पोस्ट सुद्धा शेअर करतात.
सोशल मीडियावर सक्रिय राहण्यासाठी नुकतचं ऐश्वर्या यांनी 'आस्क मी एनिथिंग' सेशन घेतलं होतं. या सोशल मीडिया इन्स्टाग्राम सेशनमध्ये चाहत्यांनी ऐश्वर्या यांना खूप प्रश्न विचारले आणि ऐश्वर्या देखील सगळ्यांची उत्सुकपणे उत्तरं देत होत्या. काही चाहत्यांनी त्यांच्या आवडी-निवडी विचारल्या. यानंतर एकाने लाईव्ह लोकेशन विचारलं त्यावर त्यांनी कुठल्या एरियाच पाठवू असं उत्तर दिलं. तर दुसऱ्याने आवडता हॅालीवूड अॅक्टर हिरोबद्दल विचारलं.
तर अजून एकाने विचारलं मुंबईत कुठे राहता ? यावर ऐश्वर्या नारकर यांनी 'पूर्ण बोरिवली आपलीच' आहे असं उत्तर दिलं आहे. ऐश्वर्या नारकर यांच्या 'आस्क मी' सेशनमध्ये त्यांना अनेक प्रश्न विचारण्यात आले. पण विचारल्या जाणाऱ्या प्रश्नामध्ये त्यांना एका चाहत्यांनी थेट डिनरला येणार का? असे विचारले आहे. चाहत्याला ऐश्वर्या नारकर यांच्यासोबत डिनर करण्याची इच्छा आहे. यामुळे त्याने डिनर करण्यासाठी त्यांच्याकडे तारीख मागितली आहे.
या प्रश्नावर ऐश्वर्या नारकर यांनी जबरदस्त तारीख सांगितली आहे. ती तारीख म्हणजे ३० फ्रेबुवारी २०२५ आहे. फ्रेबुवारी महिना कधीच ३० चा नसल्याने ही तारीख कधीच अस्तित्वात नसते.