मराठी सिनेसृष्टीत असे अनेक कपल आहेत जे खूप खास आहेत. असंच एक जोडपं जे कायम सोशल मीडियावर चर्चेत असते. त्यांचे डान्स व्हिडिओ पाहून तरुण पिढीही लाजेल एवढी एनर्जी त्यांच्यात असते. हे जोडप दुसर तिसरं कोणी नसून मराठी अभिनेत्री ऐश्वर्या नारकर (Aishwarya Narkar) आणि अभिनेता अविनाश नारकर (Avinash Narkar) हे आहेत. सोशल मीडियावर यांचा मोठा चाहता वर्ग आहे. ते कायमच आपल्या डान्सचे व्हिडिओ शेअर करत असतात.

ऐश्वर्या आणि अविनाश हे दोघेही ट्रेंडिंग आणि लोकप्रिय गाण्यांवर रील्स बनवतात. त्यांचे अनेक व्हिडीओ व्हायरल झाले आहेत. त्यातील एक म्हणजे त्यांनी घातला देवीचा जागर. सध्या त्यांचा 'लल्लाटी भंडार' या गाण्याचा डान्स व्हिडिओ सोशल मीडियावर खूप व्हायरल होत आहे. 2009 मध्ये प्रदर्शित झालेल्या 'जोगवा' या चित्रपटाचे हे गाणे आहे. या जोडप्यांचा या भन्नाट डान्समुळे चाहत्यांना चांगलीच भुरळ पडली आहे. या व्हिडिओवर चाहत्यांकडून प्रेमाचा वर्षाव होत आहे. या व्हिडिओवर लाखात व्ह्यूज आहेत. तर असंख्य कमेंट्स आणि लाईक्स पाहायला मिळत आहेत.

'लल्लाटी भंडार' या गाण्याच्या डान्स व्हिडीओवर चाहत्यांनी प्रेमाचा वर्षाव केला आहे. नारकर जोडप्याच्या एनर्जीचे सर्वत्र कौतुक होताना पाहायला मिळत आहे. या व्हिडीओसाठी दोघांनीही पारंपारिक पोषाख केला आहे. अभिनेते अविनाश यांनी धोतर नेसलं आहे तर अभिनेत्री ऐश्वर्या यांनी साडी नेसली आहे. अभिनेत्री ऐश्वर्या नारकर या सध्या 'सातव्या मुलीची सातवी मुलगी' या मालिकेत पाहायला मिळत आहेत.