Marathi Actress: मराठी चित्रपटसृष्टीतील अनेक अभिनेत्री आपल्या उत्कृष्ट अभिनयाने प्रसिद्ध आहेत. अशा क्वचितच काही अभिनेत्री आहेत ज्या एकमेकींसोबत जास्त बोलत नाहीत. पण बऱ्याच अभिनेत्रीही चांगल्या मैत्रिणीही आहेत. मराठी चित्रपटसृष्टीत सर्वाधिक चर्चेत असणाऱ्या दोन अभिनेत्री म्हणजे सई ताम्हणकर आणि अमृता खानविलकर. सध्या या आपल्या चित्रपटांमुळे आणि मैत्रीवर बऱ्याच चर्चा होत आहे.

मराठी चित्रपटसृष्टीतील ग्लॅमरस आणि बोल्ड अभिनेत्रींपैकी सई ताम्हणकरची ओळख आहे. सई मराठी चित्रपटसृष्टीतील लोकप्रिय अभिनेत्रींपैकी एक. सईने आपल्या अभिनयाची सुरुवात अनेक लहान भूमिकेंपासून केली. सई ताम्हणकर आणि अमृता खानविलकर या दोघींच्या मैत्रीत दुरावा आल्याचे अनेकदा बोलले जाते. नुकतेच सईने दोघींच्या मैत्रीबद्दल स्पष्ट मत व्यक्त केले आहे.

सईने नुकतीच एका आर जे ला मुलाखत दिली. त्या मुलाखतीत तिला प्रश्न विचारला, 'मराठी सिनेसृष्टीत सध्या अशी चर्चा सुरू आहे की, सई आणि अमृता यांच्यात काही ठिक नाही? तुमच्या मैत्रीत दुरावा आला आहे? अमृताला ज्या भूमिकांसाठी विचारण्यात आल्यानंतर त्या भूमिका तुझ्याकडे आल्या यामुळे ती नाराज झाली आहे? असे काही प्रश्न विचारले.

या प्रश्नांवर ही तिने आपले उत्तर दिले आहेत. यावर ती बोलते, मला याबद्दल असे काहीही माहीत नाही. “पण हे असं तर होणारच ना, बऱ्याचदा एक भूमिका दोन जणांना विचारली जाते. किंवा त्याहून ही अधिक जणांना विचारले जाते. हा आपल्या कामाचा एक भाग आहे. परंतु या कारणावरुन मनात काही आढी ठेवणं मला बरोबर वाटत नाही. असं काही झालंही असेल असे मला तरी वाटत नाही”, असे सई ताम्हणकरने स्पष्ट सांगितले.

पुढे आर जे ने विचारले, तुझी आणि अमृताची कधी भेट होते का ? आणि तेव्हा सर्व काही आलबेल असतं का ? त्यावर तिने हो असे उत्तर दिले. सोशल मीडियावर होत असलेल्या चर्चेवर मी अमृताला आज घरी जाऊन फोन करून विचारणार असल्याचे सईने सांगितले.

सई आणि अमृता या दोघीही चांगल्या मैत्रिणी असून त्या दोघीही बऱ्याचदा एकत्र फोटो शेअर करत असतात. त्या दोघींनी 'पाँडिचेरी' चित्रपटात एकत्र काम सुद्धा केले होते.