मराठमोळी अभिनेत्री प्राजक्ता माळी (Prajakta Mali) सध्या चांगलीच चर्चेत आहे. प्राजक्ता माळी एक लोकप्रिय अभिनेत्रीसोबत एक यशस्वी व्यावसायिका देखील आहे. नुकताच प्राजक्ताच्या 'फुलवंती' चित्रपटाने महाराष्ट्रावर जादू केली आहे. 'फुलवंती' चित्रपटातून प्राजक्ताने निर्मिती क्षेत्रात पदार्पण केले आहे. प्राजक्ताचा 'फुलवंती' चित्रपट खूप गाजला आहे. या चित्रपटात प्राजक्ताने सुंदर डान्स केला आहे. जो पाहून चाहते घायाळ झाले आहेत.

प्राजक्ताने आपल्या करिअरची सुरूवात छोट्या पडद्यावरून सुरू केली होती. तिने मनोरंजन विश्वात आपली स्वतःची खास ओळख तयार केली आहे. तिची 'जुळून येती रेशीमगाठी' ही मालिका खूप प्रसिद्ध झाली. यामुळे प्राजक्ताला खूप लोकप्रियता मिळाली. .या मालिकेपासून प्राजक्ताचा यशस्वी करिअरला सुरुवात झाली आणि ती दिवसेंदिवस प्रगती करत गेली. सध्या प्राजक्ता 'महाराष्ट्राची हास्यजत्रा' या कॉमेडी शोचे अँकरिंग करत आहे.

प्राजक्ता माळीचे कर्जतला आलिशान फार्महाऊस आहे. या फार्महाऊसचे नाव 'प्राजक्त कुंज' असे आहे. तिचा हा फार्महाऊस 3 BHK व्हिला आहे. कर्जतमधील गौळवाडी गावात कर्जतचा फार्महाऊस आहे. या फार्महाऊसमधून प्राजक्ताची तगडी कमाई होते. या फार्महाऊसचे भाडे मीडिया रिपोर्टनुसार, सुमारे 20-30 हजार रुपये आहे. ती स्वतः कामातून निवांत वेळ काढून फार्महाऊसला फिरायला जाते.

प्राजक्ता अभिनेत्रीसोबतच एक व्यावसायिका आहे. तिचा 'प्राजक्तराज' नावाचा पारंपरिक दागिन्यांचा ब्रँड आहे. यात तुम्हाला सुरेख दागिने पाहायला मिळतील. मिडिया रिपोर्टनुसार, प्राजक्ता माळीची एकूण संपत्ती १६ ते ४० कोटी रुपये आहे. प्राजक्ताचा मोठा चाहता वर्ग आहे. तिने आपल्या लूक आणि अभिनयाने चाहत्यांना भुरळ घातली आहे. प्राजक्ता एक सुंदर कवयित्री देखील आहे. तिला त्यासाठी पुरस्कार देखील मिळाला आहे.