महाराष्ट्राची लाडकी अभिनेत्री पूजा सावंत नेहमीच चर्चेत असते. पूजा सावंत अभिनयासोबतच तिच्या वैयक्तिक आयुष्यामुळे चर्चेत असते. पूजा सावंतने नुकचाच नवऱ्यासोबतचा एका रोमँटिक व्हिडिओ सोशल मीडियावर शेअर केला आहे. पूजाचा नवरा सिद्धेश चव्हाण हा कामानिमित्त परदेशात असतो. पूजाने परदेशात जाऊन नवऱ्यासोबत रोमँटिक डान्स केला आहे. तिच्या या डान्सचे आणि मित्र भूषण प्रधानचे एक खास कनेक्शनदेखील आहे.

पूजाने 'घरत गणपती' या चित्रपटातील गाण्यावर सुंदर डान्स केला आहे. नवऱ्यासोबत रोमँटिक स्टेप्स करत चाहत्यांची मने जिंकली आहे. घरत गणपती या चित्रपटात भूषण प्रधान मुख्य भूमिकेत दिसणार आहे. त्यामुळे पूजाने मित्राला हटके अंदाजात शुभेच्छा दिल्या आहे. पूजा आणि सिद्धेशचा हा रोमँटिक डान्स चाहत्यांना खूपच आवडला आहे.

पूजाने हा व्हिडिओ शेअर करत मित्र भूषणसाठी खास पोस्ट केली आहे. या गाण्यावर मी माझ्या जवळच्या व्यक्तीसोबत डान्स करण्यासाठी वाट पाहिली. सिद्धेश आणि माझ्याकडून घरत गणपतीच्या संपूर्ण टीमला खूप शुभेच्छा. भूषण तुला चित्रपटासाठी खास शुभेच्छा. मला माहितीये तू नेहमी सगळंत बेस्ट करतो. २६ जुलैला घरत गणपती चित्रपट प्रदर्शित होतोय. असं कॅप्शन तिने दिले आहे.

'घरत गणपती' हा चित्रपट लवकरच प्रेक्षकांच्या भेटीला येणार आहे. चित्रपटात भूषण प्रधान, शुभांगी गोखले, निकिता, अश्विनी भावे महत्त्वाचा भूमिकेत दिसणार आहे. हा चित्रपट कोकणातील गणेशोत्सवार आधारित आहे. त्यामुळे चित्रपटाची प्रेक्षक विशेष वाट पाहत आहे.