नवीन वर्षाच्या सुरुवातीपासूनच कलाकारमंडळी चाहत्यांना गुडन्यूज देत आहेत. या वर्षात कोणी नवीन घर घेतले तर कोणी आपल्या नात्याचा खुलासा केला. काहींनी तर लग्नगाठ देखील बांधली आहे. तर काही कलाकारांनी लग्जरी गाड्या खरेदी केल्या आहेत. अशीच एक आनंदाची बातमी मराठमोळ्या अभिनेत्रीने चाहत्यांना दिली आहे. आपल्या अभिनयाने प्रेक्षकांच्या मनावर छाप उमटवणारी अभिनेत्री हेमल इंगळेच्या (Hemal Ingle) घरी नवीन पाहुण्याचे आगमन झाले आहे.

अभिनेत्री हेमल इंगळेने सोशल मीडियावर पोस्ट करून ही गुडन्यूज चाहत्यांना दिली आहे. हेमल इंगळेच्या नव्याकोऱ्या लग्जरी कारचे नाव 'फोक्सवॅगन पोलो जीटीआय' ( Volkswagen Polo GTI) असे आहे. मीडिया रिपोर्टनुसार, तिच्या आलिशान कारची किंमत 25 लाखांच्यावर आहे. तिने लाल रंगाची सुंदर कार खरेदी केली आहे. कार खरेदी करण्यासाठी हेमल इंगळे तिच्या कुटुंबासोबत गेली होती. तिच्या या पोस्टवर चाहत्यांकडून कमेंट्सचा वर्षाव होत आहे.

हेमल इंगळे वर्कफ्रंट

'अशी ही आशिकी'मुळे अभिनेत्री हेमल इंगळेला खूप लोकप्रियता मिळाली आहे. तिने सुपरस्टार सचिन पिळगांवकर यांच्यासोबत देखील काम केले आहे. ती 'नवरा माझा नवसाचा २'मध्ये झळकली. त्यानंतर तिने अनेक चित्रपट केले आहेत. यात 'किर्रर्र काटा किर्रर्र' आणि 'हार्दिक शुभेच्छा'चित्रपटात झळकली. चाहते आता तिच्या आगामी प्रोजेक्टची आतुरतेने वाट पाहत आहेत.

हेमल इंगळे लग्नगाठ

अभिनेत्री हेमल इंगळेने या वर्षी जानेवारी 2025मध्ये लग्नगाठ बांधली. तिच्या लग्नाचे फोटो आणि व्हिडीओ सोशल मीडियावर व्हायरल झाले होते. तिने तिचा बॉयफ्रेंड रौनक चोरडियासोबत विवाह केला.