Malaika Arora: बॉलिवूडची छैय्या छैय्या गर्ल, मलायका अरोरा, तिच्या कामापेक्षा तिच्या वैयक्तिक आयुष्यासाठी आणि रिलेशनशिपसाठी जास्त चर्चेत असते. काही महिन्यांपूर्वी, मलायकाचे नाव बिझनेस टायकून आणि हिरे व्यापारी हर्ष मेहताशी जोडले गेले होते. परंतु अलीकडेच आणखी एक व्हिडिओ समोर आला आहे यामुळे नेटकरी थोडे गोंधळले आहेत. काल संध्याकाळी झालेल्या पार्टीतील मलायका अरोराचे अनेक व्हिडिओ समोर आले. यामध्ये ती एका मिस्ट्री मॅनसोबत नाचताना दिसत आहे. हा व्यक्ती हर्ष मेहता नसल्याने हा व्यक्ती कोण अशी चर्चा रंगली आहे.

सोराब बेदीसोबत व्हायरल व्हिडिओ

अलीकडेच, मलायकाचा एक व्हिडिओ ऑनलाइन व्हायरल होत आहे. यामध्ये ती 'स्प्लिट्सव्हिला' फेम सोराब बेदीसोबत नाचताना दिसत आहे. या दोघांमधील काही तरी केमिस्ट्री असल्याचा अंदाज चाहते लावत असून सोराब हा मलायकाचा नवीन बॉयफ्रेंड आहे का अशा चर्चा रंगल्या आहेत. खरतर, सोराबने अलीकडेच मलायकाच्या नवीन रेस्टॉरंट 'स्वीनी बॉम्बे'च्या लाँच पार्टीला हजेरी लावली. सोराबने इंस्टाग्रामवर पार्टीचे फोटो शेअर केले आणि मलायकाला तिच्या नवीन कामाबद्दल अभिनंदन केले. यावरून हे स्पष्ट झाले की त्यांच्यात फक्त मैत्री आहे आणि व्हिडिओ फक्त एका पार्टीचा भाग होता.

मलायका तिच्या बॉयफ्रेंडसोबत होती

मलायका अरोराचा कथित बॉयफ्रेंड हर्ष मेहता पार्टीत उपस्थित होता. मलायका जेव्हा कार्यक्रमस्थळावरून बाहेर पडली तेव्हा तो दारामागे लपलेला दिसला. थोड्याच वेळात, तो रेस्टॉरंटमधून बाहेर पडून त्याच्या कारमधून निघून गेला. मलायकाने या खास कार्यक्रमासाठी पांढरा बॉडीकॉन शॉर्ट ड्रेस घातला होता. या लूकमध्ये ती ग्लॅमरस दिसत होती.

हर्ष मेहतासोबत डेटिंगच्या अफवा

गेल्या काही काळापासून, मलायका अरोरा आणि उद्योगपती हर्ष मेहता यांच्यात वाढत्या जवळीकतेच्या बातम्या प्रसिद्ध होत आहेत. रोममधील दोघांचा एक फोटो इंटरनेटवर व्हायरल झाल्यानंतर ही चर्चा अधिकच वाढली. नेटिझन्स आणि चाहत्यांनी असा दावा केला की हे कपल एकत्र व्हॅलेंटाईन डे साजरा करत होते. विशेष म्हणजे, हर्ष मेहता आणि मलायका यांच्यात वयाचे मोठे अंतर आहे. मलायका ५२ वर्षांची आहे, तर हर्ष ३३ वर्षांचा असल्याचे म्हटले जाते. दोघांमधील जवळजवळ १९ वर्षांचा फरक आहे.