'महाराष्ट्राची हास्यजत्रा' या कार्यक्रमातून लाखो प्रेक्षकांच्या मनावर राज्य करणारी अभिनेत्री शिवाली परब चर्चेत आली आहे. शिवालीने तिच्या आगामी प्रोजेक्ट्सची माहिती दिली आहे. अभिनेत्री शिवाली परबचा नवीन चित्रपट प्रेक्षकांच्या भेटीला येणार आहे. सोशल मीडियावर शिवालीने याबाबतची माहिती चाहत्यांना दिली आहे.

अभिनेत्री शिवालीने इन्स्टाग्राम प्लॅटफॉमवर नुकतंच एक पोस्ट शेअर केली आहे.पोस्ट शेअर करत शिवालीने,'३० ऑगस्टपासून तुमच्या जवळच्या चित्रपटगृहात...' असं कॅप्शन दिलं आहे. शिवालीच्या नवीन चित्रपटाचं नाव 'नेता गीता' असं आहे. या चित्रपटात शिवालीसह अभिनेत्री शिवानी बावकर मुख्य भूमिकेत दिसणार आहेत. 'नेता गीता' हा चित्रपट येत्या २३ ऑगस्टपासून चित्रपटगृहात प्रदर्शित होणार आहे.

शिवालीच्या पोस्टवर चाहत्यांनी प्रतिक्रिया देत तिला शुभेच्छा दिल्या आहेत. चित्रपटात शिवालीची भूमिका काय असेल? चित्रपटाची कथा काय आहे? याबाबतची चाहत्यांची उत्सुकता शिगेला पोहचली आहे. मागील अनेक वर्षापासून शिवाली परब 'महाराष्ट्राची हास्यजत्रा'मधून प्रेक्षकांचे मनोरंजन करत आहे. 'महाराष्ट्राची हास्यजत्रा' या कार्यक्रमामुळे शिवाली परब घराघरात पोहोचली. या कार्यक्रमामुळे शिवालीला 'कल्याणची चुलबुली' या नावाने ओळखलं जातं.