मुंबई: बॉलिवूडची धकधक गर्ल माधुरी दीक्षित हिनं मुंबईत एक आलिशान घर घेतलयं. या घराचं घरभाडं हे दर महिन्याला तब्बल साडेबारा लाख (12,50000) रुपये असून या घराचा कार्पेट एरिया हा देखील तब्बल ५५०० चौरस फूट इतका आहे. या आलिशान घरात माधुरी ही (Madhuri Dixit) पती डॉ. श्रीराम नेने यांसह मुले रियान आणि अरिन यांच्यासोबत राहणार आहे. मुंबईच्या वरळी (Worli) येथील हाय राईझ अपार्टमेंन्टच्या (High Rise Apartment) २९ व्या मजल्यावर माधुरीचं आलिशान घर आहे.

हे देखील पहा -

माधुरी नुकतीच न्यूयॉर्कहून भारतात दाखल झाली आहे. त्यानंतर तिने मुंबईत हे घर बुक केलं. या घराचं माधुरीनं इंटिरियर बदलून घेतलं आहे. प्रसिद्ध डिझाईनर अपूर्वा मेहता यांनी माधुरीचं घर केवळ ४५ दिवसांमध्ये अतिशय आकर्षक, आलिशान आणि माधुरीला हवं तसं डिझाईन केलयं. बेडरुम, किचन, हॉल, डायनिंग रुम, ड्रॉईंग रुम, गॅलरी, बाथरुम सगळं काही अतिशय बारकाईने डिझाईन करण्यात आलं असून आता माधुरीच्या घराचे फोटो व्हायरल होत आहे. lythdesign नावाच्या इंस्टाग्राम पेजवरुन हे फोटोज् शेयर करण्यात आले आहेत. याच पेजवरच्या एका व्हिडिओमध्ये माधुरी डिझायनर अपुर्वा मेहताचं कौतुक करताना दिसत आहे.

कामाबद्दल बोलायचं झालं तर, माधुरी दीक्षित अलीकडेच OTT प्लॅटफॉर्म Netflix वर 'द फेम गेम' या वेब सीरिजमध्ये दिसली होती. तिच्यासोबत संजय कपूर आणि मानव कौलही मुख्य भूमिकेत होते. ही वेब सिरीज चाहत्यांच्या चांगलीच पसंतीस उतरली होती. सकारात्मक प्रतिसादही मिळाला. समीक्षकांनीही त्याचे कौतुक केले. माधुरी दीक्षितचा हा डिजिटल डेब्यू होता, ज्यामध्ये ती प्रेक्षकांचं मन जिंकण्यात यशस्वी झाली.

Edited By - Akshay Baisane