सिनेसृष्टीत कोणाचं आयुष्य कधी बदलेल, हे कोणीच सांगू शकत नाही. काही लोकांनी कितीही मेहनत केली, तरी त्यांना लोकांमध्ये चांगली ओळख मिळत नाही. तर काही जण रातोरात स्टार होतात. दाक्षिणात्य सिनेसृष्टीतील अशीच एक अभिनेत्री तुफान चर्चेत आली आहे. कयादू लोहार असं अभिनेत्रीचं नाव आहे.

कयादू लोहारने तिच्या अभिनय कौशल्याने चाहत्यांचं मन जिंकलं आहे. अभिनेत्री कयादूचे फार चित्रपट नाहीत. तरीही तिचा मोठा चाहता वर्ग आहे. अभिनेत्री कयादूने तिच्या सौंदर्याने तरुणांचं हृदय जिंकलं आहे. तरुणांना प्रेमात पाडणाऱ्या कयादू लोहारचा एक फोटो सोशल मीडियावर चर्चेत आला आहे. कयादूने एका सिनेमात अभिनेता जीवी प्रकाशसोबत बाथटबमध्ये कपड्याविना फोटोशूट केलं आहे.

'इमॉर्टल' या सिनेमाचं पोस्टर सोशल मीडियावर तुफान व्हायरल होत आहे. जीवी प्रकाशसोबत कयादूच्या 'इमॉर्टल' सिनेमाचा पोस्टर लाँच रिलीज झालं आहे.या पोस्टरमध्ये कयादू बाथटबमध्ये अभिनेत्यासोबत दिसत आहे. तिच्या एका हातात दारूचा ग्लास असल्याचे दिसत आहे. पोस्टर बघितल्यानंतर कयादूच्या चाहत्यांमध्ये सिनेमाबाबत उत्सुकता वाढली आहे.

कयादू लोहारचा जन्म आसामच्या तेजपूरमध्ये ११ एप्रिल २००० रोजी झाला. तिने मॉडल म्हणून करिअरला सुरुवात केली होती. कयादू २०२१ साली एवरी यूथ फ्रेश फेस सीझन १२ जिंकली होती. त्याचवर्षी कयादूने कन्नड सिनेमा 'मुगिलपेट'मध्ये अभिनेत्रीच्या रुपात इंड्रस्ट्रीत एन्ट्री मारली.

तेलुगु सिनेमा 'अल्लुरी'मध्ये अभिनेता श्री विष्णूसोबतही कयादूने काम केलं आहे. मात्र, 'अल्लूरी' सिनेमा बॉक्सऑफिसवर फार काही टिकला नाही. या सिनेमाने तिला ओळखही मिळवून दिली नाही. मात्र, तामिळ सिनेमा 'ड्रॅगन' सिनेमात काम केल्यानंतर कयादू चर्चेत आली. कयादू आता लाखो तरुणांची ड्रीम गर्ल झाली आहे.

सोशल मीडियावर तिचा मोठा चाहतावर्ग आहे. तिला सोशल मीडियावर २.५ मिलियन म्हणजे २५ लाख यूजर्स फॉल करत आहे. कयादू नेहमी तिचे सुंदर फोटो सोशल मीडियावर शेअर करत असते. तिच्या फोटोंवरही चाहत्यांकडून कमेंटचा वर्षाव पाहायला मिळतो.