Amitabh Bachchan: "कौन बनेगा करोडपती सीझन १७" चा ग्रँड फिनाले आज शनिवारी रात्री प्रसारित होईल आणि अमिताभ बच्चन यांचा भावनिक होऊन या सीझनला निरोप देण्यासाठी सज्ज आहेत. फिनालेपूर्वी रिलीज झालेला प्रोमो आठवणी, हृदयस्पर्शी क्षण आणि मनोरंजनाने भरलेली रात्र दाखवण्यात येत आहे. यामध्ये दिग्गज होस्ट अमिताभ बच्चन यांच्या डोळ्यात अश्रू आलेले दिसते.

शेवटच्या एपिसोडमध्ये, अमिताभ बच्चन एक भावनिक भाषण देताना दिसले. वर्षानुवर्षे प्रेक्षकांच्या अढळ प्रेमाबद्दल त्यांनी आभार मानले. या एपिसोडमध्ये अनेक खास क्षण देखील घडले, ज्यात अमिताभ बच्चन गाणे गातात आणि किकू शारदासोबत विनोद करताना दिसले,.

सोनी टीव्हीच्या अधिकृत इंस्टाग्राम हँडलवर शेअर केलेल्या व्हिडिओमध्ये, अमिताभ बच्चन शेवटच्या भागात प्रेक्षकांशी बोलताना हॉट सीटवर बसलेले दिसत आहेत. क्विझ शोशी त्यांच्या दीर्घकाळाच्या सहवासात प्रेक्षकांनी दिलेल्या पाठिंब्याबद्दल त्यांनी कृतज्ञता देखील व्यक्त केली.

ते म्हणाले, "कधीकधी आपण एखादा क्षण इतका खोलवर जगतो आणि त्यात इतके बुडून जातो की जेव्हा तो शेवटच्या टप्प्यावर पोहोचतो तेव्हा असे वाटते की तो नुकताच सुरू झाला आहे, तरीही तो इतक्या लवकर संपतो. सर्वकाही कालच घडल्यासारखे वाटते. या भावनांमधून जात असताना, मी या खेळाचा शेवटचा दिवस सुरू करणार आहे. माझ्या आयुष्याचा एक तृतीयांश किंवा त्याहूनही अधिक काळ तुम्हा सर्वांसोबत घालवणे माझ्यासाठी एक मोठा भाग्य आहे." यावेळी अमिताभ बच्चन यांच्या डोळ्यात पाणी आले होते.