बॉलिवूडची बोल्ड आणि ब्युटीफुल अभिनेत्री म्हणजे कतरिना कैफ. कतरिना नेहमीच आपल्या अभिनयाने प्रेक्षकांची मने जिंकत असते. ती सध्या तिचा आगामी चित्रपट 'मेरी ख्रिसमस'मुळे चर्चेत आहे. या चित्रपटाची खासियत म्हणजे साउथचा सुपरस्टार विजय सेतुपती आणि कतरिना कैफ ही जोडी.
कतरिना कैफ आणि विजय सेतुपति पहिल्यांदाच एकत्र दिसणार आहेत. या दोघांचा 'मेरी ख्रिसमस' हा चित्रपट लवकरच प्रेक्षकांच्या भेटीला येणार आहे.
विजय सेतुपती आणि कतरिना कैफचा बहुप्रतिक्षित चित्रपट 'मेरी ख्रिसमस' १२ जानेवारी २०२४ रोजी रिलीज होणार आहे. हा चित्रपट डिसेंबर महिन्यात रिलीज होणार होता. परंतु डिसेंबर महिन्यात बॅक टू बॅक दमदार चित्रपट प्रदर्शित होत असल्याने निर्मात्यांनी चित्रपट प्रदर्शनाची तारीख पुढे ढकलली आहे.
कतरिना आणि विजय सेतुपती यांच्या मेरी ख्रिसमस चित्रपटात मराठमोळी राधिका आपटे दिसणार आहे. राधिकाने आज चित्रपटाचं पोस्टर सोशल मीडियावर शेअर केलं आहे.
'मेरी ख्रिसमस' चित्रपटासाठी प्रेक्षक प्रचंड उत्सुक आहे. विजय सेतुपती आणि कतरिना कैफ ही जोडी पहिल्यांदाच रुपेरी पडद्यावर दिसणार आहे. या दोघांची केमिस्ट्री बघायला प्रेक्षक आतुर असल्याचे दिसत आहे.
कतरिनाच्या वर्कफ्रंटबद्दल बोलायचे झाले तर, कतरिना नुकतीच 'टायगर ३' चित्रपटात झळकली होती. तर विजय सेतुपती 'जवान' चित्रपटात खलनायकाच्या भूमिकेत दिसला होता.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.