Katrina Kaif And Vicky Kaushal: कतरिना कैफ आणि विकी कौशलच्या चाहत्यांसाठी एक आनंदाची बातमी आहे. कतरिना आई झाली आहे आणि तिने एका गोंडस मुलाला जन्म दिला आहे. मुलाच्या जन्मामुळे कतरिना आणि विकीचे कुटुंब आनंदाने भरले आहे. या कपलने सोशल मीडियावर एका क्यूट पोस्ट शेअर करत ही आनंदाची बातमी दिली आहे.

या कपलने पोस्ट शेअर करत लिहिले आहे की, "आमच्या घरी आमचा आनंद आला आहे. आम्ही आमच्या बाळाचे स्वागत करतो... ७ नोव्हेंबर २०२५. कतरिना आणि विकी." ही पोस्ट शेअर करताना विकीने लिहिले आहे, "ब्लेस्ट". बॉलिवूड सेलिब्रिटी त्यांचे अभिनंदन करत आहेत. करिनाने लिहिले आहे की, "कॅट... बॉय मदर क्लबमध्ये स्वागत आहे. मी तुझ्या आणि विकीसाठी खूप आनंदी आहे." २३ सप्टेंबर रोजी विकी आणि कतरिनाने घोषणा केली की ते लवकरच आई-बाबा होणार आहेत. त्यांने लिहिले आहे की हा त्यांच्या आयुष्यातील सर्वोत्तम चॅप्टर आहे.