World Cup 2023:

वर्ल्डकप २०२३ (World Cup 2023) च्या सेमी फायनलमध्ये टीम इंडियाने (Team India) दमदार कामगिरी करत न्यूझिलंडचा दारूण पराभव केला. या मॅचदरम्यान क्रिकेटर मोहम्मद शमीने तुफान गोलंदाजी करत ७ विकेट्स घेतल्या आणि इतिहास रचला. टीम इंडियाच्या विजयामध्ये मोहम्मद शमीचा मोठा वाटा आहे. सध्या मोहम्मद शमीचे सर्वस्तरावरून कौतुक होत आहे.

सेमीफायनल मॅचदरम्यान दमदार कामागिरी करणाऱ्या मोहम्मद शमीचे अभिनेत्री पायल घोषने कौतुक केले आहे. मोहम्मद शमीची ती फॅन झाली आहे. पायलने ही मॅच संपल्यानंतर मोहम्मदचे तोंडभरून कौतुक केले आहे. पायल घोषने आपल्या अधिकृत इन्स्टाग्राम स्टोरीवर मोहम्मद शमीचा फोटो शेअर केला आहे. या फोटोवर कॅप्शन देत तिने 'शमी तू खरच जिनियस आहेस' असे लिहिले आहे. सध्या पायल घोषची पोस्ट सोशल मीडियावर व्हायरल होत आहे.

त्याचसोबत पायलने आपल्या अधिकृत ट्विटर अकाऊंटवर देखील पोस्ट करत, 'अविश्वसनीय...शमीने एका मॅचमध्ये ७ विकेट्स घेतल्या. ओह माय गॉड' असे लिहिले आहे. पायलची ही ट्विटर पोस्ट देखील व्हायरल होत आहे. पायल घोष तेव्हा चर्चेत आली जेव्हा तिने मोहम्मद शमीसाठी सोशल मीडियावर पहिली पोस्ट केली होती. तिने मोहम्मद शमीच्या इंग्रजी बोलण्यावर प्रश्न उपस्थित करत त्याला लग्नाची ऑफर दिली होती. पायल घोषने मोहम्मद शमीला इंग्रजी सुधारण्याचा देखील सल्ला दिला होता.

पायल घोषने काही दिवसांपूर्वी मोहम्मद शमीला 'तू तुझं इंग्रजी सुधार, मी तुझ्यासोबत लग्नाची करायला तयार आहे', अशी ऑफर दिली होती. मोहम्मदच्या इंग्रजीवरून हसणारी पायल घोष आत मात्र त्याच्या दमदार कामगिरीवर फिदा झाली आहे. यावेळी तिने त्याचं तोंडभरून कौतुक केले आहे. आता अभिनेत्रीने ट्वीट आणि इन्स्टा पोस्ट करत शमीचे कौतुक केले आहे . आधी शमीला नावं ठेवणाऱ्या पायलचे सूर बदलल्याचे दिसत आहे.

दरम्यान, पायल घोषचा जन्म १९९२ मध्ये कोलकाता येथे झाला. तिने सेंट पॉल मिशन स्कूलमधून शिक्षण पूर्ण केले आणि स्कॉटिश चर्च कॉलेजमधून राज्यशास्त्रात पदवी प्राप्त केली. अभिनयाची आवड पूर्ण करण्यासाठी ती कॉलेजमध्ये असताना घरातून पळून मुंबईत आली आणि तेव्हापासून तिची अभिनय कारकीर्द सुरू झाली. तिने अनेक साऊथ चित्रपटांमध्ये काम केले आहे. त्याचसोबत पायलने कॅनडियन चित्रपटात देखील काम केलं आहे.