Costa Titch Dies: दक्षिण आफ्रिकेतील प्रसिद्ध रॅपर आणि संगीतकार कोस्टा टिच याचे निधन झाले आहे. कोस्टा टिच शनिवारी म्हणजेच 11 मार्च रोजी जोहान्सबर्गमधील अल्ट्रा म्युझिक कॉन्सर्टमध्ये परफॉर्म करत होता. वयाच्या २७व्या वर्षी लाईव्ह कॉन्सर्ट दरम्यान गाताना स्टेजवर पडला. कोस्टा टिचचा हा व्हिडीओ सध्या सोशल मीडियावर बराच व्हायरल होत आहे.
सोशल मीडियावर व्हायरल होत असलेल्या या व्हिडिओमध्ये कोस्टा टिच स्टेजवर परफॉर्म करताना दिसत आहे. या दरम्यान तो दुसऱ्यांदा पडताना दिसत आहे. एकदा तो स्वतःला सांभाळतो पण काही वेळाने तो पुन्हा पडतो. रॅपरच्या मृत्यूचे कारण अद्याप अस्पष्ट असून ही बातमी समोर येताच, कोस्टा तीजच्या निधनाने सर्व कलाकार, संगीत उद्योग आणि त्यांच्या चाहत्यांना धक्का बसला.
कोस्टा टिचचं खरं नाव Costa Tsobanoglou आहे. नेलस्प्रुट येथे 1995 साली कोस्टाचा जन्म झाला होता. कोस्टाला त्याच्या 'एक्टिवेट' आणि Nkalakatha या दोन हिट गाण्यांसाठी सर्वाधिक प्रसिद्धी मिळाली. कोस्टाचं अचानक निधन झाल्यानं सगळ्यांना मोठा धक्का बसला आहे. सोशल मीडियावर 'कोस्टा टिचच्या आत्माला शांती लाभो' अशा पोस्ट त्याचे चाहते करीत आहेत.
गेल्या वर्षी असाच प्रकार बॉलिवूडचा प्लेबॅक सिंगर KK सोबतही झाला होता. गेल्या वर्षी म्हणजेच मे 2022 मध्ये केकेचा कोलकातामध्ये एक शो सुरु होता. त्यावेळी कॉन्सर्टमध्ये परफॉर्म करत असताना अचानक त्याची तब्येत बिघडली आणि त्याला चक्कर आली. त्यानंतर त्याचे निधन झाल्याची बातमी समोर आली होती. केकेचे संपूर्ण नाव कृष्ण कुमार कुन्नथ होते.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.