काही महिन्यांपासून टीव्ही अभिनेत्री हिना खान ब्रेस्ट कॅन्सरशी (Breast Cancer) लढा देत आहे. तिने सोशल मीडियावरून ही बातमी दिली होती. तेव्हापासून आजवर ती आपला हेल्थ अपडेट नेहमी देत असते. हिनाला स्टेज 3चा ब्रेस्ट कॅन्सर आहे. तरी अभिनेत्री खूप ॲक्टिव पाहायला मिळते. सध्या अभिनेत्री केमोथेरपीचा उपचार घेताना दिसत आहे.

हिना खान (Hina Khan) सोशल मीडियावर आपल्या वेगवेगळ्या लूकचे फोटो शेअर करत असते. ती सोशल मीडियाच्या माध्यमातून चाहत्यांशी कनेक्ट असते. नुकतीच हिना एका गाण्यावर डान्स करतानाचा व्हिडिओ तिने सोशल मीडियावर टाकला आहे. हिना खानने सोनू ठुकरालच्या नुकत्याच रिलीज झालेल्या 'सैया की बंदूक' या गाण्यावर डान्स करतानाची एक रील इन्स्टाग्रामवर शेअर केली आहे. या व्हिडिओतील अभिनेत्रीचा बॉसी लूकने सर्वांचे लक्ष वेधून घेतले आहे. तसेच या प्रवासाला ती खूप धाडसाने सामोरे जात आहे. म्हणून तिचे कौतुक केले जाते.

हिना खानच्या या डान्स व्हिडिओमध्ये ती ब्लॅक टॉप, हिरवा स्कर्ट, काळा सनग्लासेस आणि हील्स परिधान भन्नाट डान्स करत आहे. या व्हिडिओतील तिची एनर्जी लेव्हल उल्लेखनीय आहे. या व्हिडिओला हिना खानने भन्नाट कॅप्शन दिले आहे. तिने लिहिलं की, 'माझ्या प्रिय सोनू ठुकरालसाठी, प्रत्येकजण पटकन एक छान रील बनवा.' आजारपणातही हिना कलेला दाद देत आहे. या व्हिडिओवर अनेक सेलिब्रिटी आणि चाहत्यांकडून कौतुक होत आहे. चाहत्यांनी या डान्स व्हिडिओवर अनेक कमेंट्स केल्या आहेत. यात एका चाहत्यांनी लिहिलं आहे की,'लवकर बरे व्हा!' तर दुसऱ्या युजरने लिहिलं आहे की, तुम्हाला अस पाहून आनंद झाला, तुम्ही खूप स्ट्राँग आहात' चाहते नेहमीच हिनाला या प्रवासात पाठिंबा देत आहेत.