मुंबई : तब्बल 21 वर्षांच्या प्रतिक्षेनंतर मिस युनिव्हर्सचा किताब अखेर पुन्हा भारताकडे आला आहे. चंदीगड गर्ल हरनाज संधूने (Harnaaz Sandhu) मिस युनिव्हर्सचा (Miss Universe 2021) किताब जिंकून भारताचा मान वाढवला आहे. सुष्मिता सेन (Sushmita Sen) आणि लारा दत्ता (Lara Dutta) यांच्यानंतर हरनाज ही तिसरी भारतीय आहे जिने हा किताब पटकावला आहे. - Harnaaz Sandhu Won Miss Universe 2021 Title What Is The Cost Of Her Crown

हरनाजच्या डोक्यावर सजलेल्या ताजची किंमत किती?

मिस युनिव्हर्स (Miss Universe 2021) हा सर्वात प्रसिद्ध ब्युटी काँटेस्ट आहे. ही स्पर्धा प्रत्येक वर्षी होते आणि यामध्ये जगातील अनेक देशातील महिला भाग घेतात. ही स्पर्धा जिंकणाऱ्या महिलेला अनेक पुरस्कार मिळतात. पण, यापैकी सर्वात खास पुरस्कार म्हणजे तिच्या डोक्यावर सजणारा ताज (Miss Universe Crown), ज्याची प्रतिक्षा संपूर्ण जग करत असते. पण, मिस युनिव्हर्स हरनाज संधूच्या डोक्यावर सजलेल्या ताजची किंमत किती हे तुम्हाला माहितीये का?

मिस युनिव्हर्स हरनाज संधूच्या (Harnaaz Sandhu) डोक्यावर सजलेल्या ताजचं नाव मोआद मिस युनिव्हर्स क्राउन (Mouawad Miss Universe crown) आहे. कंपनीने त्यांच्या ऑफिशयल इंस्टाग्राम अकाउंटवर या ताजचा फोटो शेअर केला आहे.

फिलस्टारलाइफच्या रिपोर्टनुसार, या ताजची किंमत 5 मिलियन डॉलर म्हणजेच भारतीय. चलनात तब्बल 3.7 कोटी रुपयांहून अधिक आहे. या ताजला पावर ऑफ युनिटीचं प्रतिक मानलं जात आहे. रिपोर्ट्सनुसार हा आतापर्यंतचा सर्वात महाग ताज आहे. यामध्ये 1,725 पांढऱ्या रंगाचे हिरे जडलेले आहेत, तर 3 गोल्डन कॅनरी हिरेही यावर लावण्यात आले आहेत.

21 वर्षांनंतर मिस युनिव्हर्सचा ताज भारताच्या नावे

तब्बल 21 वर्षांनंतर हा मिस युनिव्हर्सचा ताज हरनाजने भारतात परत आणला आहे. यावर्षी 12 डिसेंबरला इस्रायलच्या दक्षिणेकडील इलात शहरामध्ये 70 वी मिस युनिव्हर्स स्पर्धा पार पडली. हरनाज संधू या स्पर्धेत भारताचं प्रतिनिधित्व करत होती.