सध्या सर्वत्र बिग बॉस 18 ची चर्चा चालू आहे. कोणते चेहरे यामध्ये पाहायला मिळणार याकडे प्रेक्षकांचे लक्ष लागून आहे. बिग बॉसची प्रचंड क्रेझ आहे.

या शो मध्ये कोणते सेलिब्रिटी येणार यावरून अनेक चर्चा सोशल मीडियावर रंगल्या आहेत. अनेक नावे समोर देखील आली आहेत. अशातच काही दिवसांपूर्वी भारतीय क्रिकेटर हार्दिक पांड्याची एक्स वाइफ नताशा (Natasa Stankovic) देखील या शोचा भाग बनणार असल्याची चर्चा सुरू होती. तसेच ती एकटी नसून तिच्या सोबत तिचा मित्र अलेक्झांडर सोबत बिग बॉस घरात झळकणार होती.

नताशा बिग बॉसमध्ये (Bigg Boss 18) दिसणार यामुळे चाहते खूप खुश होते. कारण तिच्या बिग बॉसमध्ये येण्याने हार्दिक आणि तिच्या नात्यावर अनेक खुलासे झाले असते. तसेच तिच्या नवीन मित्रासोबतच नातं देखील कळू लागले असते.

आता मात्र नताशाने सलमानच्या शोची ऑफर नाकारली आहे, अशी चर्चा होत आहे. मीडिया रिपोर्टनुसार, नताशाने सलमान खानच्या (Salman Khan) शो बिग बॉस 18 मध्ये येण्यास नकार दिला आहे. याचे मुख्य कारण नताशा-हार्दिकचा मुलगा अगस्त्य आहे. नताशा सांगितले की, "माझा मुलगा अजून खूप लहान आहे आणि त्याला माझी गरज आहे त्यामुळे मी या शोची ऑफर नाकारली. " सध्या नताशाने कोणतेही अधिकृत वक्तव्य केले नाही आहे. नताशा या आधी देखील बिग बॉस 8 चा भाग होती. तिने तो सीझन खूप गाजवला होता.