Akshaya Deodhar, Hardeek Joshi Wedding : कलाविश्वातील सर्वात लोकप्रिय जोडी म्हणून ओळखल्या जाणाऱ्या हार्दिक जोशी आणि अक्षया देवधर यांची यांची लगीन घटिका समीप आली आहे. हार्दिक आणि अक्षयाच्या लग्नापूर्वीच्या विधींना सुरुवात झाली आहे. एकीकडे अक्षयाच्या मेंहदी सोहळ्यातील फोटो सोशल मीडियावर व्हायरल होत असतानाच, आता दोघांच्या हळदीचा व्हिडीओही सोशल मीडियावर तुफान व्हायरल होत आहे. (Latest Marathi News)

या व्हिडीओत एकमेकांच्या प्रेमात रंगलेल्या हार्दिक अक्षया भन्नाट डान्स (Dance Video) करताना दिसून येत आहे. नुकताच हार्दिक-अक्षयाचा हळदी समारंभाचा कार्यक्रम पार पडला. या समारंभासाठी खास पिवळ्या फुलांनी डेकोरेशन करण्यात आलं होतं. हळदीसाठी अक्षया देवधर आणि हार्दिक जोशीने पांढऱ्या रंगाचा पेहराव केला होता.

हळदीच्या कार्यक्रमात दोघांचेही मित्रपरिवार तसेच कुटुंबीय अगदी बेभान होऊन नाचले. मित्रपरिवाराने हार्दिक-अक्षयाला उचलून घेत डान्स (Viral Video) करायला भाग पाडलं. अक्षया-हार्दिकच्या डान्सने हळदी समारंभात चार चांद लावले. ‘तुझ्यात जीव रंगला’ या मालिकेतून घराघरात पोहोचलेली ‘राणादा-पाठकबाई’ ही ऑन स्क्रीन जोडी खऱ्या आयुष्यात २ डिसेंबरला लग्नाच्या बेडीत अडकणार आहे. दोघांच्या लग्नाची चाहत्यांना उत्सुकता आहे.