Harbhajan Singh Biopic: भारताचा माजी क्रिकेटपटू आणि ऑफ स्पिनर हरभजन सिंहने अलीकडेच दिलेल्या एका मुलाखतीत त्याच्या आयुष्यावर बायोपिक बनल्यास कोणत्या अभिनेत्याने त्याची भूमिका साकरावी हे स्पष्टपणे सांगितले आहे. भज्जी म्हणाला की, विकी कौशल हा त्याच्या बायोपिकसाठी सर्वात योग्य अभिनेता आहे. त्याने विकीचे कौतुक करताना म्हटले की, "तो माझ्यापेक्षा चांगला दिसतो."

हरभजन सिंह म्हणाला, “जर माझ्यावर बायोपिक बनली, तर विकी कौशलने माझी भूमिका साकरावी. तो उत्तम अभिनेता आहे. तो पंजाबी आहे, म्हणून आम्हाला त्याचा अभिमान आहे. त्याची उंची थोडी जास्त आहे, पण मला वाटतं की तो माझ्यापेक्षा चांगला हरभजन साकारेल.”

विकी कौशलने यापूर्वी ‘सरदार उधम’, ‘सॅम बहादूर’ आणि ‘उरी’ यांसारख्या बायोपिक्समध्ये काम करून आपल्या अभिनय कौशल्याची छाप सोडली आहे. तसेच त्याने ‘छत्रपती संभाजी महाराज’ यांच्यावर आधारित ‘छावा’ या सिनेमातून प्रेक्षकांची मने जिंकली आहेत. त्यामुळे बायोपिक चित्रपटांसाठी विकी कौशल हा एक उत्तम पर्याय आहे. चेहरा बनला आहे.

हरभजन याच्या जीवनातील अनेक पैलू आहेत. त्याचे क्रिकेटमधील यश, लढवय्या स्वभाव, त्यांची कुटुंबप्रेमी भूमिका आणि मैदानाबाहेरचे प्रसंग हे सर्व मोठ्या पडद्यावर पाहणं प्रेक्षकांसाठी नक्कीच रोचक ठरेल. विकी कौशलसारखा परिपक्व अभिनेता ही भूमिका साकारल्यास, एक दर्जेदार आणि भावनिक चित्रपट साकारला जाऊ शकतो.