मुंबई: प्रसिद्ध चित्रपट निर्माते आणि दिग्दर्शक बोनी कपूर (Boney Kapoor) यांच्या क्रेडिट कार्डची (Credit Card) गोपनीय माहिती मिळवून चोरट्यांनी त्याद्वारे पावणे चार लाखांचे व्यवहार केल्याची धक्कादायक घटना घडली आहे. याप्रकरणी अंबोली पोलिसांनी बुधवारी माहिती तंत्रज्ञान कायद्याअंतर्गत गुन्हा (Cyber Crime) दाखल केला आहे. मार्च महिन्यात निर्मात्याला त्याच्या बँक खात्यातून पैसे काढल्याचे कळले. त्यांनी याबाबत बँकेला विचारले. या फसवणूकीची माहिती मिळाल्याननंतर त्यांनी पोलिसांकडे लेखी तक्रार केली आहे.

हे देखील पाहा -

बोनी कपूर यांना क्रेडिट कार्डच्या माहितीची कुणीही विचारणा केली नाही. तसेच कोणताही फोन त्यांना आला नव्हता. पण कार्ड वापरताना कोणीतरी डेटा मिळवला असल्याचा त्यांना संशय असल्याचे अधिकाऱ्याने सांगितले. बोनी यांच्या खात्यातून ९ फेब्रुवारीला सायबर चोरट्यांनी पाच व्यवहार करून त्याद्वारे तीन लाख ८२ हजार रुपये हस्तांतरित केले आहेत. गुडगाव येथील एका कंपनीच्या खात्यात पैसे गेल्याची प्राथमिक माहिती मिळाली आहे

Edited By - Akshay Baisane