कल्याण: गान कोकिळा, भारतरत्न स्व. लता मंगेशकर यांच्यासोबत तब्बल 25 वर्षे काम करणारे कल्याणमधील सुप्रसिद्ध तबला-ढोलकी वादक अशोक कदम (Ashok Kadam) यांचे ५६ वर्षी निधन झाले. हृदय विकाराच्या धक्क्याने (Heart Attack) काल रात्री निधन झाले. त्यांच्या पश्चात पत्नी आणि आदित्य - ओंकार ही दोन मुले आहेत. त्यांच्या निधनामुळे संगीत क्षेत्रातील अनेक कलाकारांनी तसेच कल्याणकर (Kalyankar) नागरिकांनी शोक व्यक्त केला आहे. (famous tabla and dholaki player ashok kadam from kalyan has passed away who was works with lata mangeshkar for 25 years)

हे देखील पहा -

आपल्या तबला आणि ढोलकी वादनाच्या अनोख्या शैलीसाठी प्रसिद्ध असणाऱ्या कल्याणातील अशोक कदम यांचे हृदय विकाराच्या धक्क्याने काल रात्री निधन झाले आहे. अशोक कदम यांनी अत्यंत कष्टाने आणि जिद्दीने शून्यातून आपले विश्व निर्माण केले होते. मूळचे शहापूर येथील असणारे कदम कुटुंबियांमध्ये मुळातच संगीत क्षेत्राची गोडी. त्यांच्या वडीलांपासून हा कलेचा वारसा अशोक आणि त्यांचे बंधू स्व. मनोहर यांच्यामध्ये उतरला होता. स्व. मनोहर कदम हे उत्तम सनईवादक म्हणून परिचित होते. तर अशोक कदम यांनी तबला, ढोलकी, पखवाज वाजवत.

आपल्या अनन्यसाधारण कौशल्यामुळेच भारतरत्न स्व. लता मंगेशकर (Lata Mangeshkar) यांच्यासोबत अशोक कदम यांनी थोडे थोडके नव्हे तर तब्बल 25 वर्षे काम केले. देश - परदेशात झालेल्या लता दीदींच्या असंख्य सोहळ्यात अशोक कदम यांनी तबला वादन केले होते. संगीत हाच ध्यास आणि संगीत हाच श्वास हा मंत्र त्यांनी अखेरर्यंत जपला. लतादीदींच्या सुरांना आपल्या तबला आणि ढोलकी वादनाने सुरेल साथ देणारा हा तारा आता मावळाला आहे, मात्र त्याच्या बोटांमधील स्वर हे कल्याणकरांच्या स्मरणात नेहमीच राहतील.

Edited By - Akshay Baisane