उत्तर प्रदेशातील बस्ती येथे एक धक्कादायक घटना घडली आहे. बस्ती येथे एका भोजपुरी गायिकेचा छळ करण्यात आला. त्यानंतर विरोध करणाऱ्या भावाला मारहाण करण्यात आली आहे. भावाने विरोध केल्यामुळे त्याला झाडाला बांधून मारहाण करण्यात आल्याची घटना समोर आली आहे. पोलिसांनी गुन्हेगारांविरुद्ध गुन्हा दाखल केला असून कारवाई सुरू आहे.

पीडित महिला आणि तिच्या कुटुंबाने पोलीस अधीक्षक (एसपी) यांची भेट घेऊन न्यायाची मागणी केली आहे. मिळालेल्या माहितीनुसार, कलवारी पोलीस स्टेशन हद्दीतील भाटपुरवा गावातील एका तरुणाला गुंडांनी बेदम मारहाण केली. गुंडांनी तरुणाला झाडाला बांधले त्याचे कपडे फाडले. काठ्यांनी त्याला बेदम मारहाण केली. तरुणाला इतके मारले की काठ्या देखील तुटल्या. तरुण आपला जीव वाचवून उसाच्या शेतात लपला.

पीडित श्रीचंदची बहीण सीमा ही भोजपुरी गायिका आहे. श्रीचंद म्हणाला की, "तो त्याच्या मोठ्या भावासोबत बस्तीहून घरी परतत होता. वाटेत शिवशांतने त्यांना शिवीगाळ करायला सुरुवात केली. श्रीचंद घरी पोहोचताच त्याने त्याच्या कुटुंबाला घडलेली घटना सांगितली. त्यांनी त्याला शिवशांतच्या कुटुंबाला ही घटना सांगण्याचा सल्ला दिला. श्रीचंद त्याच्या बहिणीसह शिवशांतच्या घरी गेला आणि त्याची तक्रार केली. आरोपीच्या कुटुंबियांनी त्यांच्या मुलाशी समजावून सांगण्याऐवजी श्रीचंदवर अत्याचार करण्यास सुरुवात केली."

आरोपीच्या कुटुंबातील सदस्यांनी श्रीचंदची बहीण सीमा हिला गाडीतून बाहेर काढले आणि तिच्यावर हल्ला केला. कारची खिडकी फोडली. श्रीचंदला काठ्या आणि रॉडने मारहाण केली. नंतर त्याचा शर्ट फाडला आणि दोरीने झाडाला बांधले. पीडित सीमा हिने सांगितले की, "जेव्हा आम्ही त्याच्या कुटुंबाकडे तक्रार करायला गेलो तेव्हा त्यांनी आमच्यावर शिवीगाळ केली. मला गाडीतून बाहेर काढले आणि मारहाण केली. त्यानंतर माझ्या दोन्ही भावांना मारहाण करण्यात आली. माझ्या भावाला झाडाला बांधले. गाडीच्या काचा फुटल्या. गाडीत ठेवलेले 42,000 हजार रुपये घेतले. तसेच गळ्यातील सोन्याची साखळी चोरली."

घडलेल्या प्रकरणात कलवारीचे सीओ प्रदीप कुमार त्रिपाठी यांनी सांगितले की, "पीडितेच्या तक्रारीवरून कलवारी पोलीस ठाण्यात गुन्हा दाखल करण्यात आला आहे. जखमींवर वैद्यकीय उपचार सुरू आहेत. गावात पोलीसांचा ताफा तैनात करण्यात आला आहे आणि पुढील कारवाई सुरू आहे. आरोपींना लवकरच अटक केली जाईल आणि कायदेशीर कारवाई केली जाईल."