ज्युनिअर एनटीआरचा 'देवरा पार्ट 1' (Devara: Part 1) चित्रपट 27 सप्टेंबरला प्रेक्षकांच्या भेटीला येणार आहे. या चित्रपटाबद्दल चाहत्यांमध्ये खूप उत्सुकता होती. या चित्रपटाची अ‍ॅडव्हान्स बुकिंग देखील खूप मोठ्या प्रमाणात करण्यात आली होती. चित्रपटाने अ‍ॅडव्हान्स बुकिंगमध्ये खूप मोठी कमाई केली आहे.

चित्रपटाला काही तास उरलेले असताना नेटिझन्सनी या चित्रपटाचे रिव्ह्यू शेअर केले आहेत. नेटिझन्सनच्या मते हा चित्रपट ॲक्शनचा धमाका आहे. चित्रपटातील ॲक्शन सीन्सचे अनेकांनी कौतुक केले आहे. या चित्रपटात ज्युनियर एनटीआरने (Jr.N. T. Rama Rao ) चमकदार कामगिरी केली आहे. सोशल मीडियावर अनेक नेटकऱ्यांनी आपल्या प्रतिक्रिया नोंदवल्या आहेत. एका यूजरने लिहिलं आहे की, जबरदस्त एक्शन सीक्वेंस आणि पावरफुल परफॉर्मेंस तसेच 'विजुअल स्पेक्टेकल' असे म्हटले आहे. अनेकांना हा चित्रपट पैसा वसूल वाटत आहे. एका यूजरने लिहिलं की, हा चित्रपट असाधारण आहे. शानदार अभिनय पाहायला मिळत आहे. एक सीन सुद्धा मिस करावासा वाटत नाही. चित्रपटात वेगळीच पावर आहे. सैफ अली खानची भूमिका धमाकेदार आहे. 'देवरा' चित्रपट पैसा वसूल आहे. असे बोलून त्यांनी 3.5/5 रेटिंग दिली आहे.

कोराताला शिवा दिग्दर्शित'देवरा पार्ट 1' पाहण्यासाठी प्रेक्षक आतुर आहेत. यात ज्युनियर एनटीआरचा डबल रोल पाहायला मिळणार आहे. तसेच या चित्रपटात जाह्नवी कपूर आणि सैफ अली खान देखील मुख्य भूमिकेत पाहायला मिळणार आहेत. या चित्रपटात सैफ अली खानने मुख्य खलनायक भूमिका साकारली आहे.