'दंगल गर्ल'ने चाहत्यांना गुडन्यूज दिली आहे. आमिर खानसोबत काम करणाऱ्या जायरा वसीमने (Zaira Wasim) गुपचूप लग्नगाठ बांधली आहे. यासंबंधित खास पोस्ट करून तिने चाहत्यांना आनंदाची बातमी दिली आहे. 'दंगल गर्ल'ने निकाह केला आहे. यामुळे तिच्या चाहत्यांना आनंदाचा धक्का बसला आहे.

जायरा वसीमने सोशल मीडियावर दोन फोटो शेअर केले आहेत. पहिल्या फोटोमध्ये जायरा निकाह कागदपत्रांवर स्वाक्षरी करताना दिसत आहे. तर चंद्राकडे पाहत नवऱ्यासोबतचा पाठमोरा उभा असलेला फोटो तिने शेअर केला आहे. या फोटोंना तिने हटके कॅप्शन दिलं आहे. तिने लिहिलं की, "Qubool hai x3" फोटोंमध्ये जायरा वसीम नववधूच्या रुपात दिसत आहे. सध्या कलाकार मंडळी आणि तिचे चाहते तिच्यावर प्रेमाचा आणि शुभेच्छांचा वर्षाव करत आहेत.

मीडिया रिपोर्टनुसार, 2019 साली जायरा वसीमने मनोरंजन विश्वाला रामराम ठोकला. 25व्या वाढदिवसाआधी जायरा वसीम लग्नबंधनात अडकली आहे. जायरा वसीमने लग्नाला सुंदर लाल रंगाचा आउटफिट परिधान केला आहे. त्यावर गोल्डन वर्क पाहायला मिळाले. तर जायराच्या नवऱ्याने ऑफ-व्हाइट रंगाचा कुर्ता परिधान केला.

वर्कफ्रंट

जायरा वसीमने 2016 मध्ये आमिर खानच्या 'दंगल' चित्रपटातून पदार्पण केले. तिचा अभिनय चाहत्यांना खूपच आवडला. तिला पुरस्काने सन्मानित देखील करण्यात आले. त्यानंतर ती 2017 साली 'सीक्रेट सुपरस्टार' मध्ये महत्त्वाच्या भूमिकेत दिसली. त्यानंतर तिने प्रियांका चोप्रासोबत 'द स्काई इज पिंक'मध्ये काम केले. हा चित्रपट 2019 मध्ये प्रदर्शित झाला.