Virat Kohli And Anushka Sharma: भारतीय संघाचा स्टार खेळाडू विराट कोहली सध्या त्याच्या फॅमिलीसोबत सुट्टीचा आनंद लुटत आहे. सध्या विराट, पत्नी अनुष्का आणि त्यांची लेक सुद्धा सुट्टीचा आनंद लुटत आहे. नुकतेच विराटने सुट्टीचा आनंद लुटत असल्याची पोस्ट चाहत्यांसोबत सोशल मीडियावर शेअर केली आहे.

विराटने शेअर केलेल्या फोटोत त्यांची मुलगी आणि अनुष्का ट्रॅकिंग करताना दिसत आहे. सध्या विराट आणि अनुष्का उत्तराखंडमधील ऋषिकेश या प्रसिद्ध शहरात असून तेथील हवामानाचा आनंद लुटत असल्याचे दिसुन येत आहे.नुकतेच विराट आणि अनुष्काने वृंदावनमध्ये जाऊन त्यांच्या एका बाबांचेही दर्शन घेतले. त्यानंतर कोहलीने श्रीलंका आणि न्यूझीलंडविरुद्धच्या वनडेमध्ये चमकदार कामगिरी केली, असे काही चाहत्यांचे मत आहे.

भारत आणि न्यूझीलंड यांच्यात सुरू असलेल्या तीन सामन्यांच्या T20 मालिकेनंतर, भारतीय संघाला ऑस्ट्रेलियाविरुद्ध प्रतिष्ठित बॉर्डर गावस्कर ट्रॉफी खेळायची आहे. महत्त्वाच्या सामन्यापूर्वी त्याने पुन्हा एकदा आपले गुरू स्वामी दयानंद यांचे आशीर्वाद घेतले आहेत.

गुरु स्वामी दयानंद हे केवळ विराट कोहलीचेच नव्हे तर देशाचे पंतप्रधान नरेंद्र मोदी यांचेही गुरू आहेत. 2015 मध्ये पीएम मोदींनी आश्रमाला भेट दिली आणि स्वामी दयानंद गिरी यांचे आशीर्वाद घेतले होते.