मुंबई: कॅामेडी क्विन भारती सिंह(Bharti Singh) आणि तिचा पती हर्ष लिंबाचिया यांनी एप्रिलमध्ये त्यांचा मुलगा लक्ष्यचे स्वागत केले. नुकताच या कपलने आपल्या मुलाचे फोटो सोशल मीडियावर शेअर केले आहेत. मुलाच्या आगमनाने भारती आणि हर्ष खूप आनंदी आहेत. लक्ष्याच्या जन्मानंतर काही दिवसांनी या कपलने त्यांच्या गोंडस बाळाचे फोटोशूट केले आहे. भारतीने नुकतेच तिच्या मुलाचे काही फोटो(Social media) सोशल मीडियावर शेअर केले आहेत. या फोटोंमध्ये लक्ष्य हॅरी पॉटर लूकमध्ये दिसत आहे.

भारती सिंहने इन्स्टाग्रामवर लक्ष्यचे सुंदर फोटो शेअर केले आहेत. फोटोमध्ये, बाळाला चमकदार पिवळ्या आणि मरून रंगाच्या स्वॅडलमध्ये ठेवले आहे. बाळाला गोल चष्मा घातला आहे. त्याला टोपलीसारख्या दिसणाऱ्या पलंगावर शांतपणे झोपवले आहे.त्याला लोकरीची टोपी घातली आहे आणि त्याच्या हातात हॅरी पॉटरची जादूची छडी आहे.

भारती सिंग आणि हर्ष लिंबाचिया यांचा मुलगा लक्ष्यच्या हॅरी पॉटर लूकने इंटरनेटवर धुमाकूळ घातला आहे. मुलगा लक्ष्यचा फोटो शेअर करत 'लक्ष्य सिंह लिंबाचिया पॉटर', अशी भारतीने त्याची ओळख करून दिली आहे.

भारती सिंहने तिचा मुलगा गोला म्हणजेच लक्ष्यचा फोटो शेअर करताच चाहत्यांनी प्रेमाचा वर्षाव करायला सुरुवात केली आहे. चाहते कमेंट करून लक्ष्यच्या क्यूटनेसचे कौतुक करत आहेत. या कपलच्या चाहत्यांनी आणि इंडस्ट्रीतील त्यांच्या मित्रांनी लक्ष्यला आशीर्वाद दिले आहेत. अभिनेत्री गौहर खानने हार्ट इमोजीसह 'ब्लेस हिम' अशी कमेंट केली आहे. त्याचवेळी शमिता शेट्टी आणि ईशा गुप्ता यांनी हार्ट इमोजीसह कमेंट केली.