कॉमेडियन अभिनेते सुनील पाल (Sunil Pal) हे कायमच त्यांच्या कॉमेडीमुळे चर्चेत असतात. मात्र सध्या ते एका वैयक्तिक कारणामुळे चर्चेत आले आहेत. सुनील पाल यांच्या पत्नीने त्याच्या बेपत्ता होण्याची तक्रार केली होती. मात्र आता या घटनेसंबंधित मोठी अपडेट समोर आली आहे.

कॉमेडियन अभिनेते सुनील पाल बेपत्ता झाल्याची तक्रार पत्नी सरिता पालने मुंबईतल्या सांताक्रुझ पोलीस ठाण्यात दिली होती. सरिता पालने (Sarita Pal) केलेल्या तक्रारीत असे म्हटले होते की, "सुनील पाल आज घरी आले नाही. त्यांचा फोन देखील स्विच ऑफ लागत आहे. त्यांच्याशी कोणताच संपर्क होत नाही. म्हणून मी पोलीसात तक्रार करत आहे." सुनील पाल हे कॉमेडियन असल्यामुळे ते अनेक वेळा शोसाठी मुंबईच्या बाहेर जात असे.

आता या घटनेसंबंधित सरिता पाल यांनी मोठी अपडेट दिली आहे @viralbhayani च्या वृत्तानुसार,"सरिता पाल यांचा सुनील पाल यांच्यासोबत संपर्क झाला आहे. त्यांनी लिहिलं की, माझ सुनील पाल यांच्याशी बोलणे झाले आहे. तसेच ते पोलिसांशी देखील बोलले आहे."

मीडिया रिपोर्टनुसार, 3 डिसेंबरला सुनील पाल घरी येणे अपेक्षित होते. मात्र तसे झाले नाही. तसेच त्यांच्याशी संपर्क देखील होत नव्हता. ते शो साठी मुंबईच्या बाहेर गेले होते. यामुळे काळजीने पत्नी सरिता पालने पोलीस स्टेशनमध्ये तक्रार केली.

कॉमेडियन सुनील पाल यांनी आपल्या विनोदी शैलीने सर्व जगाला हसवले आहे. त्यांनी कॉमेडी किंग कपिल शर्मासोबतही काम केले आहे. सुनील पाल यांचे शो जगभरात होत असतात.