'अशोक मा.मा.' मालिकेत सध्या अनेक ट्विस्ट पाहायला मिळत आहेत. अनिशमुळे भैरवीच्या आयुष्यात एकामागोमाग एक संकटे येताना दिसत आहे. 'अशोक मा.मा.' मालिका सध्या प्रेक्षकांच्या मनात खोलवर घर करून बसली आहे. मालिकेने नुकताच 300 भागांचा पल्ला गाठला आहे. आता मालिका रंजक वळणावर येऊन पोहचली आहे. स्पर्धेत दहा लाखाचे बक्षीस मिळवल्यानंतर भैरवीच्या घरी आनंदाचे वातावरण पाहायला मिळते. अशोक मामा, नीलिमा आणि मुलं भैरवीसाठी सरप्राईज पार्टी आयोजित केली असते.

कुटुंबाचे प्रेम आणि आदर पाहून भैरवी खूप खुश आहे. मात्र, या आनंदाच्या क्षणी एक भावनिक वळण येते. भैरवीने संपूर्ण बक्षिसाची रक्कम अनिशचे कर्ज फेडण्यासाठी वापरल्याचे समोर येते. यामुळे अनिशचा संताप होतो. तो भैरवीवरील कठोर शब्दात सुनावतो. ज्यामुळे कुटुंबात तणाव निर्माण होतो. पण या सगळ्यातही भैरवी शांत राहते. तिचा आत्मविश्वास ढळत नाही. या सगळ्यामध्ये भैरवीला अशोक मामांची खंबीर साथ लाभते.

'अशोक मा.मा.' (Ashok Mama) मालिकेत भैरवीला राजन सुखटणकर यांच्या सुखटणकर फूड्सकडून केकसची ऑर्डर मिळते. मात्र त्यात एक गोंधळ होतो. केकऐवजी मोदक पोहोचतात. जे संकट वाटत होते तेच भैरवीसाठी मोठी संधी ठरते. राजनला ते मोदक खूप आवडतात. तो थेट 30 आउटलेट्ससाठी ऑर्डर देतो. पण या संधीबरोबर एक मोठे आव्हानही भैरवी समोर येते. आता हे नवीन संकट काय असेल आणि भैरवी त्याला कसं सामोरे जाणार हे सर्व पाहणे मनोरंजक ठरणार आहे.

घरातील अनिशच्या नकारात्मक दृष्टिकोनामुळे तणाव आणखी वाढतो. अशोक मामा आणि भैरवी या सगळ्याचा मानसिक ताण घेतात. भैरवी आयुष्यात आलेल्या नवीन टप्प्याला कशी समोर जाणार? कुटुंबाची साथ तिला कशी मिळणार? हे पाहणे महत्त्वाचे ठरणार आहे. 'अशोक मा.मा.' मालिका कलर्स मराठीवर दररोज रात्री 8.30 वाजता पाहायला मिळते.