लक्ष्मण उतेकर यांचा 'छावा' (Chhaava ) चित्रपट सध्या बॉक्स ऑफिसवर धुमाकूळ घालताना पाहायला मिळत आहे. 'छावा' चित्रपटात छत्रपती संभाजी महाराजांच्या भूमिकेत अभिनेता विकी कौशल (vicky kaushal) आणि महाराणी येसूबाईंची भूमिकेत रश्मिका मंदाना (Rashmika Mandanna) पाहायला मिळत आहेत. तर चित्रपटात औरंगजेबाच्या भूमिकेत अक्षय खन्ना पाहायला मिळत आहे. 'छावा' चित्रपट 14 फेब्रुवारीला प्रेक्षकांच्या भेटीला आला आहे.

'छावा' बॉक्स ऑफिस कलेक्शन दिवस 4

'छावा' चित्रपटाने अवघ्या तीन दिवसांत १०० कोटी रुपयांचा टप्पा पार करून रेकॉर्ड ब्रेक कामगिरी केली. आता 'छावा' चित्रपटाने अजून एक रेकॉर्ड केला आहे. अवघ्या चार दिवसात 'छावा'ने चित्रपटाचे बजेट वसूल केले आहे. 'छावा' चित्रपट तब्बल 130 कोटी रुपयांच्या बजेटमध्ये बनवला आहे.

• पहिला दिवस - 33.1 कोटी रुपये

• दुसरा दिवस - 39.3 कोटी रुपये

• तिसरा दिवस - 48.5 कोटी रुपये

• चौथा दिवस - 24 कोटी रुपये

• एकूण - 140.50 कोटी रुपये

'छावा' ओटीटी अपडेट

मीडिया रिपोर्टनुसार, 'छावा' चित्रपट नेटफ्लिक्स या ओटीटी प्लॅटफॉर्मवर पाहता येणार आहे. नेटफ्लिक्सने चित्रपटाचे स्ट्रीमिंग राइट्स खरेदी केले आहेत. 'छावा' तीन ते चार महिन्यांनंतर घरबसल्या ओटीटीवर पाहता येणार आहे. मात्र अद्याप निर्मात्यांनी ओटीटी रिलीजच्या डेटची कोणतीही अधिकृत घोषणा केली नाही.

'छावा' चित्रपटाचे ॲडव्हान्स बुकिंगमध्ये जवळपास 5 कोटींची व्यवसाय केला होता. प्रेक्षकांकडून चित्रपटाला तुफान प्रतिसाद मिळत आहे. चित्रपटातील विकी कौशलचा दमदार अभिनय, शाही सेट आणि कलाकारांचे पोशाष पाहून चाहते भारावून गेले आहेत. चित्रपटातील गाण्यांना चाहत्यांकडून विशेष पसंती मिळत आहे. 'छावा' चित्रपटातून दिग्दर्शिक लक्ष्मण उतेकर यांनी छत्रपती संभाजी महाराजांची शौर्यगाथा दाखवली आहे.