Salman Khan Dance Viral video: बॉलिवूडचा भाईजान म्हणजेच अभिनेता सलमान खान हा नेहमीच कोणत्या ना कोणत्या कारणामुळे चर्चेत असतो. नुकताच त्याचा ‘किसी का भाई किसी की जान’ चित्रपट प्रदर्शित झाला आहे. या चित्रपटाची सर्वत्र चर्चा आहेच, मात्र आता तो एका वेगळ्या कारणामुळे चर्चेत आला आहे. ते कारण म्हणजे त्याची एक्स गर्लफ्रेंड संगीता बिजलानी. संगीता आणि सलमानचा एक शॉकिंग व्हिडीओ सध्या तुफान व्हायरल होत आहे.

नुकताच ईद निमित्त सलमान खानची बहीण अर्पिता खान आणि तिचा पती आयुष शर्मा यांनी आयोजित केलेल्या पार्टीतील अनेक फोटो आणि व्हिडीओ व्हायरल होत आहेत. काल संध्याकाळी पार पडलेल्या या पार्टीत सलमान, संगीता बिजलानी, कतरिना कैफसह इंडस्ट्रीतील अनेक स्टार्स सहभागी झाले होते. या पार्टीतील एक व्हिडिओ समोर आला आहे, ज्यामध्ये सलमान खानची एक्स गर्लफ्रेंड संगीतासोबत तो बाहेर जाताना दिसत आहे. (Bollywood News)

यादरम्यान संगीता सलमानसोबत असे करते, जे करण्याची कोणाची हिंमत होणार नाही. व्हायरल होणाऱ्या व्हिडीओत, सलमान बाहेर पडत असताना त्याच्या मागे संगीता बिजलानीही दिसते. दरम्यान, सलमान काहीतरी बोलतो आणि हसायला लागतो, यावर संगीता सलमानचे गाल ओढते आणि त्याच्या काना खाली मारण्याचा प्रयत्न करते. संगीताचे हे कृत्य पाहून सलमानलाही हसू आवरत नाही. (Bollywood Actor)

हा व्हिडिओ सेलिब्रिटी फोटोग्राफर वरिंदर चावलाने इंस्टाग्रामवर शेअर केला आहे. यामध्ये दोघेही सलमान आणि संगीता एकमेकांची खिल्ली उडवताना दिसत आहे. या दोघांचा ब्रेकअप झाला असला तरी सलमान खान आणि संगीता बिजलानी यांच्यातील मैत्री फार घनिष्ठ आहे.

आजही त्यांची बॉंडिंग खूप चांगली आहे. संगीता सलमानच्या अनेक कौटुंबिक कार्यक्रमातही दिसते. अलीकडेच या दोघांचा एक फोटो देखील बराच व्हायरल झाला होता. ज्यामध्ये त्यांचा रोमँटिक अंदाज दिसून आला.

संगीता बिजलानी आणि सलमान खानच्या या व्हिडिओवर चाहत्यांकडून भन्नाट कमेंट्स येत आहेत. मुख्य बाब म्हणजे, संगीता बिजलानी आणि सलमान खान जवळपास १० वर्षे एकमेकांना डेट करत होते. २७ मे १९९४ रोजी दोघेही लग्न करणार होते, पण नंतर हे लग्न तुटले आणि दोघेही कायमचे वेगळे झाले.