बॉलिवूडचा (Bollywood) 'किंग खान' त्याचा आगामी 'डंकी' चित्रपटामुळे (Dunki Movie) चर्चेत आहे. 'पठाण' (Pathan), 'जवान' (Jawan) नंतर शाहरुख खानचा (Shahrukh Khan) 'डंकी' हा या वर्षातला तिसरा चित्रपट आहे. या चित्रपटाचा टीझर समोर आल्यापासून चाहत्यांची उत्सुकता आणखीनच वाढली आहे. ख्रिसमसच्या मुहूर्तावर हा चित्रपट प्रदर्शित होणार आहे. शाहरुख खानचे चाहते या चित्रपटाची आतुरतेने वाट पाहत आहेत. अशामध्ये शाहरुख खानने धनत्रयोदशीच्या दिवशी चाहत्यांना जबरदस्त गिफ्ट दिलं आहे.
शाहरुख खानने धनत्रयोदशीला आपल्या अधिकृत इन्स्टाग्रामवर डंकी चित्रपटाचे नवीन दोन पोस्टर शेअर केले. हे फोटो पाहून चाहत्यांची उत्सुकता खूपच वाढली आहे. या पोस्टरच्या माध्यमातून शाहरुख खानने आपल्या चाहत्यांना दिवाळीच्या डंकी स्टाइलमध्ये शुभेच्छा दिल्या आहेत. शाहरुख खानने शेअर केलेल्या पहिल्या फोटोमध्ये शाहरुख खान स्कूटरवर बसलेला दिसत आहे. या स्कूटरवर त्याच्यामागे तापसी पन्नू आणि विक्रम कोचर बसले आहेत. तर सायकलवर त्याचे दुसरे फ्रेंड्स दिसत आहे.
शाहरुख खानने डंकीच्या शेअर केलेल्या पोस्टरवर लिहिले की, 'आपल्या माणसांसोबत साजरी करुया दिवाळी' तर सायकलवर हार्ट शेपमध्ये हॅप्पी दिवाली असे लिहिले आहे. 'डंकी'च्या दुसऱ्या पोस्टरमध्ये शाहरुख खान, तापसी पन्नू, विकी कौशल, विक्रम कोचर आणि अनिल ग्रोव्हर ब्लॅकरूममध्ये दिसत आहेत. या सर्व मित्रांच्या हातात पुस्तक दिसत आहेत. या वर्गातील ब्लॅकबोर्डवर 'हे नवीन वर्ष आपल्या माणसांसाठी' असे लिहिले आहे.
डंकीचे हे दोन पोस्टर शेअर करत शाहरुख खानने कॅप्शनमध्ये लिहिले की, 'अशा कुटुंबाशिवाय कशी असेल दिवाळी आणि नवीन वर्ष? खरी मजा एकत्र फिरण्यात, एकत्र राहण्यात आणि एकत्र साजरी करण्यात आहे. डंकीचे संपूर्ण जग आहे हे मूर्खानो.' शाहरुख खानच्या या पोस्टला त्याच्या चाहत्यांकडून पसंती मिळत आहे. शाहरुखच्या चाहत्यांनी देखील त्याला दिवाळीच्या शुभेच्छा दिल्या आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.