बॉलिवूडचा (Bollywood) सुपरस्टार रणबीर कपूरचा (Ranbir Kapoor) अ‍ॅनिमल' चित्रपट (Animal Movie) काही दिवसांपूर्वी प्रेक्षकांच्या भेटीला आला. या चित्रपटाने बॉक्स ऑफिससह जगभरामध्ये दमदार कमाई केली. या चित्रपटातील सर्वच कलाकारांच्या अभिनयाने सर्वांचे लक्ष वेधून घेतलं. या चित्रपटमध्ये रणबीर कपूरसोबत (Ranbir Kapoor) इंटिमेट सीन्स देणारी अभिनेत्री तृप्ती डिमरीला (Tripti Dimri) खूपच चांगली पसंती मिळाली.
तृप्ती डिमरीची या चित्रपटामध्ये छोटीशी भूमिका होती पण तिने सर्वांचे लक्ष वेधून घेतले. सध्या सगळीकडेच तृप्ती डिमरीचीच चर्चा होत आहे. या चित्रपटानंतर तृप्ती डिमरीला एकापेक्षा एक जबरदस्त प्रोजेक्टमध्ये काम करण्याची संधी मिळत आहे. विकी कौशलनंतर आता तृप्ती डमरी बॉलिवूडचा हँडसम हंक कार्तिक आर्यनसोबत (Kartik Aaryan) रोमान्स करताना दिसणार आहे.
कार्तिक आर्यन लवकरच त्याच्या मोस्ट अवेटेड चित्रपट 'आशिकी 3'च्या शूटिंगला सुरुवात करणार आहे. आता या चित्रपटात तृप्ती दिमरी अभिनेत्यासोबत मुख्य भूमिकेत दिसणार असल्याची बातमी समोर येत आहे. सूत्रांनी दिलेल्या माहितीनुसार, कार्तिक आर्यनसोबत तृप्ती डिमरीची जोडी या चित्रपटासाठी निश्चित झाली आहे. कार्तिकसोबत तृप्ती काम करणार असल्याचे कळाल्यानंतर दोघांचे देखील चाहते खूपच आनंदी झाले आहेत. आता त्यांच्या या चित्रपटाबाबत चाहते खूपच उत्सुक आहेत.
पिंकविलाच्या रिपोर्टनुसार, कार्तिक आर्यन 'आशिकी 3' मध्ये आता तारा सुतारियासोबत नाही तर तृप्ती डिमरीसोबत दिसणार आहे. एका जवळच्या सूत्रानेही या वृत्ताला दुजोरा दिला आहे. आशिकी फ्रँचायझीचा हा तिसरा चित्रपट आहे. जिथे राहुल रॉय आणि अनु अग्रवाल 'आशिकी'मध्ये दिसले होते. तर 'आशिकी 2' मध्ये आदित्य रॉय कपूर आणि श्रद्धा कपूर यांनी आपल्या सिझलिंग केमिस्ट्रीने चाहत्यांना वेड लावले होते. आता 'आशिकी ३' मध्ये कार्तिक आर्यनसोबत तृप्ती डिमरी दिसणार असल्याचे बोलले जात आहे.
तृप्ती डिमरीच्या वर्कफ्रंटबद्दल बोलायचे झाले तर, तृप्ती नुकताच संदीप रेड्डी वंगा यांच्या 'अ‍ॅनिमल' चित्रपटात रणबीर कपूरसोबत रोमान्स करताना दिसली होती. या चित्रपटातील दोघांच्या इंटिमेट सीनची बरीच चर्चा झाली होती. या चित्रपटामुळे तृप्तीला खूपच चांगली पसंती मिळाली. आता अनुराग बसू दिग्दर्शित 'आशिकी 3' चित्रपटामध्ये ती दिसणार असल्याचे बोलले जात आहे. या चित्रपटाची शूटिंग 2024 मध्ये सुरू होणार आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.